Foto: Astana qalasy ákimdigi
Astana ákimdiginiń resmı saıty málim etkendeı, atalǵan tarıhı jeńiske Aıkórkem Batıhan 50 metr qashyqtyqta dıametri 50 sm bolatyn Pýta nysanasy boıynsha qol jetkizdi.
Bıyl álemniń 20 elinen kelgen 300-ge jýyq sportshy qatysqan atalǵan halyqaralyq týrnır – Túrkııada 12 jyl qatarynan úzbeı ótip keledi. Qazaqstan sportshylary oǵan 2017 jyldan beri qatysqanymen, buǵan deıin jeńiske jetpegen eken.
«Fınalda Aıkórkem Batıhan Túrkııanyń eń úzdik sadaqshysymen kezdesip, ony 5:4 esebimen jeńdi. Aıkórkemniń jeńisi – búkil komandamyz úshin úlken jetistik», dedi dástúrli sadaq atýdan Qazaqstan ulttyq quramasynyń bas bapkeri Dıas Ahmetov.
19 jastaǵy Aıkórkem Batıhannyń dástúrli sadaq atýmen shuǵyldanyp júrgenine 1,5 jyl ǵana bolǵan.
