О́NERLI О́RGE JÚZER

Mádenıeti órkendegen el­­ordamyzda kezekti qala­lyq delfıılik oıyndar ótkizildi. Maýsymnyń 15-16-sy kúnderi ótken bul shara “Erlik dańqy óshpeıdi” degen ataýmen Uly Jeńistiń 65 jyldyǵyna arnaldy. Qa­zaq ulttyq óner ýnıversı­tetiniń qoldaýymen Ulttyq delfıılik komıtet uıym­das­tyrǵan osy saıys jastardy shyǵarmashylyq pen ónerge baýlyp qana qoımaı, týǵan jerine degen súıispenshilik pen patrıottyq sezimdi arttyryp, elimizdiń rýhanı qundylyqtaryn, tarıhyn tanyp-bilýge múmkindik beretini sózsiz. Bıylǵy baıqaýǵa 60-qa jýyq daryndy ónerpaz jas qatysty. 10 jáne 25 jas aralyǵyndaǵy jas ta­lant­tar qatysatyn bul jarystaǵy saıyskerler sany jyldan jylǵa artyp keledi. Osy oraıda Astana jas­tary arasyndaǵy ónersúıer qaýymnyń ulǵaıa túsken­digin birden baıqaýǵa bolady. Saıys birneshe nomı­nasııalar boıynsha ótti. Atap aıtsaq, fortepıano, skrıpka, ulttyq bı óneri, akademııalyq án aıtý, akkordeon, fotografııa, sýret óneri, ulttyq aspaptar jáne taǵy da basqa óner salalary qamtyldy. Qazaq ulttyq óner ýnıversıtetinde ótken bul saıysta jastar tek úzdik bolý úshin ǵana emes, sonymen qatar, boıyna bitken talantyn ashýǵa jáne mádenı turǵyda ózin-ózi damytýǵa da umtyldy. О́ıtkeni, ónerlerin ortaǵa salǵan saıyskerlerdiń barlyǵy derlik halyq pen qazylardyń kóńilinen shyǵyp, joǵary deńgeıde óner kórsetti. Biraq “júz­den júırik, myńnan tulpar” demekshi, aralarynan úzdikteri anyqtalyp, 12-16 shilde aralyǵynda Pavlodar qalasynda ótetin respýblıkalyq deńgeıdegi VI Ulttyq Delfıılik oıyndarǵa joldama aldy. Olar – Názikkúl Jańazarova (skrıpka), Azıza Mırıýsýpova (fortepıano), Naýryzym Ydyrys, Aqbota Nuradınova (qobyz), Jansultan Jumaǵalıev, Áıgerim Esenbekova (akademııalyq án aıtý) jáne taǵy basqa jas órkender. Olar joldamamen qosa, altyn medalǵa ıe boldy. Arıana Bekbolatova (forte­pıa­no), Andreı Marchenko (baıan, akkordeon, garmon), Ásel Esbolova (skrıpka), Shyńǵys Rasylhanov, Gúlnıza Batalova (ekeýi de akademııalyq án aıtý) sııaqty ónerpazdar kúmis medal alyp, ekinshi orynnan kórinse, Botagóz Turlybekova (qobyz) jáne Tursyn Tóremuratov (akademııalyq án aıtý) syndy talant ıeleri qola medalǵa qol jetkizdi. Osy jeńimpazdardan turatyn Astana qalasynyń qurama komandasy endi respýblıkalyq deńgeıdegi Delfıılik oıyndarǵa qatysady. Bı-Bolat SEITAQ, EUÝ-diń stýdenti.