foto: arasha.kz
«Stýdent qyz 2024 jyldyń qańtarynda 18 jasqa toldy. Osyǵan baılanysty ákesiniń alımenttik mindettemeleri toqtatyldy», dep habarlady Shyǵys Qazaqstan oblysy sottarynyń baspasóz qyzmeti.
Kolledjde oqıtyn stýdent qyzdyń oqý aqysy – jylyna 250 000 teńge. Ákesi talap qoıýshyǵa oqý kezinde óz erkimen materıaldyq kómek kórsetpeıdi.
«Eger ata-analar ózderiniń kámeletke tolǵan, biraq jalpy orta, tehnıkalyq jáne kásiptik, kúndizgi oqý nysany boıynsha joǵary bilim berý júıesinde oqıtyn 21 jasqa deıingi balalaryna, kútip-baǵý qarajatyn erikti túrde bermegen jaǵdaıda, bul qarajat olardan Qazaqstan Respýblıkasynyń «Neke (erli-zaıyptylyq) jáne otbasy týraly» Kodeksiniń 138b. 2b. sáıkes sot tártibimen óndirip alynady. Talap qoıýshy osy quqyǵyn paıdalanyp, sotqa jaýapkerden ony kútip-baǵý úshin belgilengen aqshalaı alıment óndirý týraly aryzben júgindi», delingen aqparatta.
Sot otyrysynda taraptar kelisimge keldi. Daý medıasııa tártibimen retteldi.
