О́tken jylǵy respýblıkalyq bıýdjetti atqarý qorytyndysy boıynsha túsimder 99,9%-ǵa oryndalyp, 19 trln teńgege, al shyǵystar 99,6%-ǵa nemese 22,4 trln teńgege atqarylǵany týraly senatorlarǵa habardar etildi. Bıýdjettiń ıgerilmeýine memlekettik satyp alýdyń sapasyz josparlanýy, merdigerler mindettemesiniń tıisinshe oryndalmaýy jáne satyp alý nátıjesine shaǵymdanýy áser etip otyr. Jaǵdaıdy jaqsartý úshin tapsyrys berýshi mekemedegi birinshi basshyǵa bir jerden satyp alýǵa derbes jaýapkershilik engizildi. Qabyldanǵan sharalardyń nátıjesinde 2023 jyldyń qorytyndysy boıynsha tikeleı shart jasasý jolymen bir kózden memlekettik satyp alý kólemi 24%-ǵa deıin tómendetildi.
Joǵary aýdıtorlyq palatanyń ókili óz kezeginde ortalyqtan beriletin sýbvensııa óńirlerdiń áleýmettik-ekonomıkalyq problemalaryn sheshýdiń negizgi kózi bolyp qala beretinin atap ótti. 2023 jyly sýbvensııa kólemi 2022 jylǵy deńgeıden eki eseden astam asyp tústi. О́ńirlerge respýblıkalyq bıýdjetten bólinetin transfertterdiń jalpy kólemi 2022 jylmen salystyrǵanda 7%-ǵa ulǵaıyp, ósip keledi. О́ńirlerde 4,2 trln teńge nemese bólingen kólemniń 92%-y ıgerildi.
Senatorlar Qazaqstan Respýblıkasynyń Úkimeti men Joǵary aýdıtorlyq palatanyń 2023 jylǵy respýblıkalyq bıýdjettiń atqarylýy týraly esepterin qaraý qorytyndysy boıynsha esepti Palatanyń qaraýyna engizý týraly sheshim qabyldady.
