Aqtóbede 15 iri joba júzege asyrylyp jatyr

AQTО́BE. 16 qańtar. «QazAgroQarjy» aksıonerlik qoǵamynyń qoldaýymen Aqtóbe oblysynda azyq-túlik beldeýi quryldy. Bul týraly egemen.kz tilshisi habarlady. «QazAgroQarjy» AQ-tyń Aqtóbe oblystyq fılıalynyń dırektory Qorǵan Nurtazınniń aıtýynsha, aksıonerlik qoǵamnyń Eki sút-taýar fermasy, shoshqa fermasy, eki reprodýktor, eki jylyjaı, kókónis qoımasy jáne birqatar óńdeýshi kásiporyn salyndy. 2000 jyldan beri «QazAgroQarjy» aksıonerlik qoǵamy tarapynan oblystyń aýylsharýashylyǵy tehnıkalyq parkin jańartý maqsatynda  24,2 mlrd. teńge qarjy qaraldy. Al bıyl bul maqsatta 7 mlrd. teńge qarajat bólindi. 2000 jyldan beri oblysta 478 aýyl sharýashylyq qurylymyna 976 tehnıka berildi. Atalǵan qurylymnyń qoldaýymen «Iri qara etiniń eksporttyq áleýetin damytý» baǵdarlamasy aıasynda shetelden etti jáne sútti baǵyttaǵy 3000 bas iri qara satyp alynǵan. Bıyl Ulttyq Qor qarjysy men bıýdjetten tys qarajat esebinen  7 ınvestısııalyq jobany júzege asyrý maqsatynda 6,5 mlrd. teńge bólingen. Oblystaǵy 108 sharýashylyq jalpy quny 645,9 mln. teńge bolatyn 203 tehnıka satyp alý maqsatynda 175 kelisim jasaǵan. 2013 jyldan bastap júzege asyrylyp kele jatqan sharýashylyqtardy qarjylaı saýyqtyrý jáne lızıng boıynsha alynǵan tehnologııalyq jabdyqtardy sýbsıdııalaý baǵdarlamasy sheńberinde 283,1 mln. teńge memleket tarapynan sýbsıdııalanǵan. Qorǵan Nurtazınniń aıtýynsha, búginde aksıonerlik qoǵamynyń qarjylandyrýymen Aqtóbe óńirinde 15 iri joba júzege asyrylýda. Satybaldy Sáýirbaı. Derek: egemen.kz. Sýret: forums.garene.ru.