Foto: Aqtóbe oblysy TJD
«Bıylǵy tasqyn kezinde kommýnaldyq menshiktegi 15 bóget jaryldy. Olardyń qatarynda byltyr jóndelgen úsh bóget bar. Olar: Sherbakov, Tereńsaı, Kósem. Kelisimshart boıynsha olarǵa 2 jyldyq kepildik berilgen. Jóndeý jumystaryn júrgizgen kompanııalar óz qarajatyna bógetterdi qalpyna keltiredi. Sherbakov bógetine qatysty qylmystyq is qozǵalyp, tergeý júrip jatyr. Qalǵan 12 bógetti qalpyna keltirý úshin 3 mıllıard teńgeden astam qarajat qajet», dedi oblystyń Tabıǵı resýrstar jáne tabıǵatty paıdalanýdy retteý basqarmasynyń basshysy Sábıt Dúısekenov.
Qarjy, Sý sharýashylyǵy jáne ırrıgasııa mınıstrlikteri qarjy máselesin birlesip qarastyryp jatyr.
«Birinshi kezekte jóndelýi kerek jobalar aýdan ákimderimen kelisildi. Respýblıkalyq bıýdjetten 2 mıllıard teńgeden astam qarjy bólinýi qajet. Qalǵan qarjy jergilikti bıýdjetten alynady. Búginde qala boıynsha eki ózenniń túbin tazartý kerek. Barlyq másele qarjylandyrýǵa baılanysty aldaǵy ýaqytta sheshiledi», dedi oblys ákimi Ashat Shaharov.
