AQTAÝ. 16 qańtar. Mańǵystaý oblysynyń Munaıly aýdany aýmaǵynda ornalasqan «Ekotehnıks» jaýapkershiligi shekteýli seriktestiginde órt oryn aldy. Bul týraly egemen.kz tilshisi habarlady.
Mańǵystaý oblystyq tótenje jaǵdaılar departamentine órt týraly habar 14 qańtarda jergilikti ýaqytpen 12 saǵat 20 mınýtta túsken. Arada 17 mınýt ótkende dabyl túsken orynǵa jetken órt sóndirýshiler qalyń tútin men mekemeniń munaı qaldyqtaryn jınaıtyn bóliginen ashyq jalyndy kóredi. Aqtaý qalasynan shyǵysqa qaraı 28 shaqyrym qashyqtyqta 3 ga. jerge ornalasqan atalmysh seriktestikte árqaısysy 2 sektordan turatyn 11 bólik bolsa, órt nátıjesinde 200 sharshy metr jerdi órt shalǵan. Sondaı-aq, «Jubantransservıs» JShS-ne qarasty munaı tasymaldaıtyn «Kamaz» avtokóligi tolyqtaı janyp ketken. Zardap shegýshi joq, al tıisti oryndardyń málimetinshe avtokólik júrgizýshisi órt munaı qaldyqtaryn tógý kezinde tutanǵandyǵyn aıtqan. О́rti aýyzdyqtaýǵa 4 tehnıka men 14 adam jumyldyrylyp, jergilikti ýaqytpen saǵat 6-da tolyqtaı sóndirilgen. Onyń shyǵý sebebi men shyǵynyn anyqtaýmen Mańǵystaý oblystyq TJD men IID aınalysýda.
Gúlaıym Shyntemirqyzy.
Derek, sýret: egemen.kz.
