Foto: olympic.kz
«Eki kún buryn Túrkııadan oraldyq. Jigitter jattyǵý jasady ári demalyp úlgerdi. Jattyǵý jasadyq, fýtbol, voleıbol oınadyq, teńizge shomyldyq. Aldaǵy ýaqytta masshtabty jumys kútip tur. Arnaıy oqý-jattyǵý jıyny ótedi», deıdi bas bapker.
Ol sonymen qatar Parıjdegi Olımpıadaǵa qatysty jospardy aıtty.
«Boksshylardyń árqaısysynyń Olımpıadaǵa qatysýǵa eńbegi sińgen. Boksta ár túrli jaǵdaılar kezdesedi. Jerebege de kóp nárse baılanysty. Bizdiń tapsyrma, kemi bir altyn, bir kúmis, bir qola medal alý. Negizi múmkindik bolsa, odan da joǵary nátıje kórsetý. Árbir boksshynyń júlde alatyn qabileti bar», dedi Myrzaǵalı Aıtjanov.
Parıj Olımpıadasyna erler quramasynan myna boksshylar qatysady: Cáken Bıbosynov (51 keli), Mahmud Sabyrhan (57 keli), Muhamedsabyr Bazarbaıuly (63,5 keli), Aslanbek Shymbergenov (71 keli), Nurbek Oralbaı (80 kg), Aıbek Oralbaı (92 keli) jáne Qamshybek Qońqabaev (+92 keli).
