Foto: Oqý-aǵartý mınıstrligi
Jańa oqý jylynan bastap mektep tabaldyryǵyn attaıtyn oqýshylardyń ata-anasynan ótinimder 1 sáýirden bastap qabyldana bastady. Qujat qabyldaý 31 tamyzǵa deıin jalǵasady.
«Búgingi tańda 242 myńnan astam ótinim kelip tústi. Birinshi synypqa qabyldaý boıynsha eń kóp ótinim Túrkistan, Almaty, Qyzylorda oblystarynda, sondaı-aq Almaty, Astana qalalarynda tirkelip otyr», delingen Oqý-aǵartý mınıstrligi Orta bilim berý komıtetiniń habarlamasynda.
Ata-ana balalarynyń qujattaryn egov.kz elektrondy úkimetiniń veb-portaly arqyly bere alady.
Balany birinshi synypqa qabyldaý úshin suralatyn qujattar:
1) Ata-anasynyń nemese zańdy ókildiń ótinishi;
2) 065/e nysanyndaǵy «Profılaktıkalyq ekpeler kartasy» jáne №052-2/e nysanyndaǵy «Bala densaýlyǵy kartasy» medısınalyq qujattary;
3) Balanyń 3h4 sm kólemindegi sıfrlyq fotosýreti.
О́tinishter demalys jáne mereke kúnderin qospaǵanda, dúısenbi-juma aralyǵynda qabyldanady. Mınıstrlik dereginshe, bıyl 370 myńnan astam bala birinshi synypqa qadam basady.
