Foto: gov.kz
«Qalaǵa bergisiz aýyl» tujyrymdamasyn is júzinde iske asyrýymen áıgili «Rodına» agrofırmasy – biregeı ekojúıesi qalyptasqan kásiporyn. Munda sút ónimderin óndirýdiń tolyq sıkli jolǵa qoıylǵan, bul kúnine 80-90 tonna ónim beredi. Jańa tabıǵı sút jyl boıy qoljetimdi. Eki myńǵa jýyq adam turatyn aýylda qaladaǵy ınfraqurylymnyń barlyǵy bar: jaıly úıler, keń kósheler, demalys saıabaǵy, qos baǵa belgileri bar sýpermarket (aýyldaǵy qyzmetkerler men kelýshiler úshin), sulýlyq salony, meıramhana, shaǵyn dámhana, fıtnes, jel generatorlary, t.b. Balabaqshadaǵy balalar men mektep oqýshylary tegin tamaqtanady. Sút zaýytynyń jumysshylarynyń ortasha jalaqysy 330 myń teńgeni quraıdy. Kásiporyn ónimniń negizgi bóligin elorda naryǵyna jetkizedi.
Qazirgi tańda agrofırmada aýdany 2,9 myń sharshy metr bolatyn sıyr saýatyn jańa alań salynyp jatyr. Bul sút óndirisin eki esege arttyrýǵa múmkindik beredi.
Sondaı-aq «Rodına» aýylynda Serik Jumanǵarınge oblystaǵy kóktemgi egis jumystarynyń barysy jáne shegirtkege qarsy jerdi óńdeý sharalary týraly baıandaldy. Vıse-premer Aqmola oblysynyń iri aýyl sharýashylyǵy óndirýshilerimen de kezdesti.
Kezdesýde eki fermer óz qajettilikteri úshin ınertti materıaldardy satyp alýdyń qıyndyǵy máselesin kóterdi, ol úshin arnaıy ruqsat alý qajet. Olardy satyp alý tártibin jeńildetý múmkin be degen suraq qyzyqtyrdy.
Serik Jumanǵarın bul máseleni kelesi aptada ónerkásip jáne qurylys mınıstrligi ókilderiniń qatysýymen ótetin keńeste qaraýdy tapsyrdy.
Basqa fermerler tıimdi jáne utymdy paıdalaný qaǵıdatyn saqtaı otyryp, aýylsharýashylyq jerleriniń maksımaldy kólemin ulǵaıtý baǵytynda qaıta qaraýdy surady.Sondaı-aq iri aýyl sharýashylyǵy óndirýshileri men sharýa qojalyqtary arasyndaǵy jer salyǵy mólsherindegi úlken aıyrmashylyq problemasy aıtyldy. Bul rette olar tyńaıtqyshtarǵa, tehnıkaǵa jáne t. b. sýbsıdııalardy birdeı alady. Fermerler sonymen qatar halyqaralyq tájirıbe negizinde sýbsıdııalar alý úshin standarttardy ázirleý qajettigin atap ótti.
