Foto: QR SIM
Kezdesý barysynda Qazaqstan-Japonııa yntymaqtastyǵynyń ózekti máseleleri qozǵaldy. Taraptar 2024 jylǵy 6 maýsymda Astanada Japonııa vıse-mınıstriniń qatysýymen ótken Halyqaralyq ǵylymı-tehnıkalyq ortalyqtyń 30 jyldyǵyna arnalǵan is-sharanyń sátti uıymdastyrylǵanyn quptady.
Sondaı-aq kezdesý barysynda Qazaqstan men Japonııanyń osyǵan deıingi atalǵan Ortalyqtyń damýyna qosqan úlesi jáne aldaǵy ózara is-qımyldardyń joldary talqylandy. Taraptar ıadrolyq qarýsyzdaný jáne taratpaý salasyndaǵy halyqaralyq qaýipsizdik máseleleri sııaqty basym salalardaǵy óńirlik jáne halyqaralyq formattaǵy ózara seriktestiktiń baǵyttaryn qarastyrdy.
A.Rahmetýllın Qazaqstannyń BUU jáne MAGATE sııaqty kópjaqty qurylymdar aıasyndaǵy úılestirýdi nyǵaıtýǵa múddeli ekenine nazar aýdardy.
Io.Fýkazava osy salalardaǵy oń áleýetti eskere otyryp, elder arasyndaǵy dástúrli dostyq qarym-qatynastardy nyǵaıtý múmkindigin atap ótti. BUU ınstıtýttary men basqa da halyqaralyq uıymdar aıasyndaǵy ózara qoldaýlarǵa erekshe nazar aýdaryldy. Kezdesý sońynda taraptar eki eldiń Syrtqy ister mınıstrlikteri deńgeıinde dıalogti jalǵastyrýǵa kelisti.
Halyqaralyq ǵylymı-tehnıkalyq ortalyq – 1992 jyly qurylǵan úkimetaralyq uıym. Ortalyqtyń bas keńsesi Astana qalasynda ornalasqan. Uıymnyń negizgi qyzmeti ǵylymı zertteý jáne tájirıbelik-konstrýktorlyq jobalardy basqarý bolyp tabylady.
