Foto:ortcom.kz
Prokýratýranyń 11 maýsymdaǵy habarlamasyna sáıkes, 2024 jylǵy mamyrda «Jibek joly» Qaıyrymdylyq mekemeleriniń qaýymdastyǵy zańdy tulǵalar birlestigine prokýratýranyń 26 mekemeni memlekettik tirkeýdi joıý jáne taratý týraly talabyn qanaǵattandyrý týraly sheshim zańdy kúshine endi.
Sonymen qatar buryn júrgizilgen tekserýler is júzinde mekemelerdiń jumysy olardyń jarǵylyq maqsattaryna qaıshy kelip, olardyń keıbireýleri lısenzııasyz bilim berý qyzmetin júzege asyrǵany anyqtaldy.
«Tekserý barysynda mekemelerdiń dinı baǵyty rastalǵan jáne Qazaqstan Respýblıkasynyń Musylmandar dinı basqarmasy «Jibek jolymen» jasalǵan memorandýmdy bir jaqty toqtatty», dep habarlady Almaty qalasy prokýratýrasynyń baspasóz qyzmeti.
Zańnama normalaryn buzǵan atalǵan birqatar mekeme men olardyń basshylyqtaryna qatysty qylmystyq ister qozǵaldy (kámeletke tolmaǵandy óz-ózine qol jumsaýǵa jetkizgen, tárbıeleý jónindegi mindetterdi oryndamaǵan, áleýmettik, ulttyq, násildik jáne dinı arazdyqty qozdyrǵan, sot ekstremıstik jáne terrorıstik dep tanyǵan ádebıetter tabylǵan).
«Qazirgi ýaqytta mekemelerde turǵan balalardy otbasylaryna qaıtarý jumystary júrgizilýde», dep qorytyndylady vedomstvo ókilderi.
Qyrmyzy JUMAǴALIQYZY,
EUÝ stýdenti
