Foto: Polisia.kz
10 maýsymnan bastap Jambyl oblysy aýmaǵynda «Avtobýs» jedel-profılaktıkalyq is-sharasy ótip jatyr. Birinshi kúni polıseıler jol qozǵalysyn qadaǵalaý kezinde qoǵamdyq kólik júrgizýshileri jasaǵan 131 jol erejesi buzýshylyǵyn anyqtaǵan.
«Polısııa qyzmetkerleri «Batys Eýropa – Batys Qytaı» tasjolynyń 350-shaqyrymynda Almatydan Túrkistan oblysyna baǵyt alǵan jalǵan tirkeý nómirlik belgimen «Yutong» qalaaralyq avtobýsty basqarǵan 49 jastaǵy júrgizýshini anyqtady. Jolaýshylar avtobýsy aıyp turaqqa qoıylyp, 36 jolaýshy basqa avtobýspen jetkizildi», delingen málimette.
Sot sheshimimen quqyq buzýshy eki táýlikke qamaýǵa alynyp, bir jylǵa júrgizýshi kýáliginen aıyrý túrinde ákimshilik jaýapkershilikke tartyldy.
Birinshi kúni aıyp turaqqa barlyǵy 12 qoǵamdyq kólik qoıyldy.
