Pedagogıkalyq sheberligin shyńdaıdy

Dýshanbede Pedagogıkalyq she­ber­lik orta­lyǵynyń Tájikstannyń ulttyq bilim berý júıesin ilgeriletý boıyn­sha aýqymdy jobasy aıaqtaldy. Eýropalyq odaq bul mańyzdy jumys­ty elimizge senip tapsyrǵan edi. Tájik pedagogteri alǵash ret  2025 jyly eldik jáne jeke emtıhan retinde qabyldaıtyn PISA jahandyq zertteýine qatysýdy josparlap otyr. Sol sebepti de Tájikstanda mektepterdi túbegeıli ózgertý jáne pedagogterdi kásibı damytý boıynsha júıeli jumys bastalǵan-tuǵyn.

–  Biz álemdik bilim berý keńistigine enýge daıynbyz ári jańa standarttarǵa umtylamyz. PISA-ǵa qatysý týraly strategııalyq sheshim barlyq muǵalim­ge úlken jańalyq ári demeý boldy, –  dep quttyqtady Tájikstannyń Bilim jáne ǵylym mınıstri Rahımdjon Saıdzoda.

Birinshi bolyp oqýdy respýblıka­lyq, oblystyq muǵalimderdiń bilik­tiligin arttyrý ınstıtýttarynyń top-menedjerleri bastady. Sonymen qa­tar ár óńirden ókilder kelip, barlyq aımaq­taǵy mektep qaýymdastyqtaryna óz táji­rıbelerimen bólisti.

– Tájikstan kásibılikke Qazaqstan­daǵy­ áriptesteri­men birge qadam bas­ty, tabysty yntymaqtastyq bizdiń muǵalimderdiń kásibı ósýiniń jańa ke­zeńin belgileıdi, – dedi bilim berý qyzmetkerleriniń biliktiligin arttyrý res­pýblıkalyq ınstıtýtynyń dırektory Navrýz Mırzozoda.

Suranysqa ıe baǵdarlamalar ja­han­dyq pedagogıkalyq trendter kon­tekstindegi strategııalyq mańy­zy bar eń sátti sheshimderdi qam­tydy. Oqytýshylardyń meta-pán­dik qu­zyrettilikterin keńeıtý jáne oqý­shylardyń fýnksıonaldyq saýat­tylyǵyn damytý sııaqty ózekti taqy­ryptar erekshe qyzyǵýshylyq týdyrdy. Raýshan Ábisheva men Talǵat Mýkýtov Dýshanbege birinshi bolyp ushyp kelip, Eýropalyq odaqtyń jańa baǵdarlamasynda  alǵash jumys isteı bastady. Elimizden barǵan mamandar­dyń árqaısysy bilim berýdi jańa deńgeı­ge kóterýdiń jaýapkershiligin sezinip, ynta-shyntasymen kiristi.  Tájik biliminiń top-menedjerlerine arnalǵan ar­naıy sessııada Pedagogıkalyq sheber­lik ortalyǵynyń dırektory Jan­bo­ta Kabdykarımova kez kelgen jo­ba­­nyń tabysty bolýy úshin mindet­ti – stra­tegııalyq josparlaý, kóshbasshy­­lyq standarttar, komanda qurý, qoldan­baly sheshimder jáne basqa da basym­dyq­tardy taldady. Maýsym jobasy Tájikstannyń Eýropalyq odaqtyń bilim berý baǵdarlamalaryn keńeıtýge múd­deli ekenin, el ulttyq bilim berý júıe­sinde úlken maqsatqa  daıyndalyp jatqanyn rastady.

– Halyqaralyq sertıfıkat alý jo­banyń árbir qatysýshysy úshin jáne respýblıkamyzdyń barlyq pedagogteri úshin mańyzdy oqıǵa boldy, jańa oqý jylynan bastap biz barlyq mektep pen ýálaıatta qazaqstandyq standarttardy engizýdi bastaımyz. Ortalyqtyń ACQUIN Eýropalyq akkredıtteý, sertıfıkattaý jáne sapany qamtamasyz etý ınstıtýtynyń ınstıtýsıonaldy akkredıtasııasyn, birneshe baǵdarlamalyq sertıfıkatyn alǵanyn maqtan tutamyz, –  dep lebizin bildirdi elordalyq bilim berý qyzmetkerleriniń biliktiligin arttyrý ınstıtýtynyń dırektory Shavkat Karımzoda.

Shilde-tamyz aılarynda Pedagogı­k­alyq she­berlik ortalyǵymen birge 1200-den astam dýshan­belik muǵalimder oqytý boıynsha jańa jobany bas­taıdy. Astanadan fýnksıonaldyq saýat­tylyqtyń ártúrli túrlerin – oqý, ma­tematıkalyq, jaratylystaný-ǵyly­mı, qarjylyq, sondaı-aq jahan­dyq quzyrettilik pen kreatıvti oılaý­dy da­mytýǵa mamandanǵan úzdik tre­ner­ler­diń úlken pedagogıkalyq toby barmaq.

Eske sala keteıik, Pedagogıkalyq sheberlik ortalyǵy elimizdiń zııatker­lik tehnologııalardy álemdik bilimge júıeli taratýdy jalǵastyryp ja­tyr. Ortalyqta Ázerbaıjan, Túrikmen­stan, Qyrǵyz Respýblıkasy, О́zbek­stan, Hanty-Mansy avtonomııalyq ok­rýgi, Armenııa muǵa­limderi oqydy, so­nymen qatar 2024 jyly Malavı­degi «Nalikule College of Education» (Afrıka)  pedagogıka­lyq kolledjiniń muǵalimderin oqytý júıesi bar.