Foto: aikyn.kz
Habar barysynda jýrnalıst Qymbat Dosjan Jánibekti asyrap alǵan Belgııa azamatynan aqsha alǵan áıeldiń jeke-basy anyq bolǵanymen, is áli de sotqa jetpegenin málimdedi.
Al Jánibekti asyrap alǵan ana Arqalyqtaǵy balalar úıinde sol áıelge 12 myń dollar bergenin ashyq aıtqan edi.
«Bul týraly Jánibekke bergen suhbatynan da kórdińizder. Ol suhbattyń túpnusqasy bizdiń qolymyzda. Aqsha alǵan áıeldiń kim ekenin, onyń 2004 jyldary qaıda jumys istegenin, qazir qaıda isteıtininiń bárin bilip otyrmyz. Tipti, sońǵy ret 2020 jyly Valerı ekeýiniń hat almasqanyn da taptyq. Ol hatta «Jánibektiń jaǵdaıy qalaı?» dep suraǵan. Biraq is sotqa áli jetpeı tur. Sońyna deıin jetkizip, shyndyqty ashamyz dep senemin», dedi jýrnalıst.
Buǵan deıin Jánibektiń ákesi bolýy múmkin azamattyń tabylǵany týraly habarlaǵan edik.
