Foto: Jamby atý federasııasynyń baspasóz qyzmeti
Qazaqstannyń namysyn ulttyq quramanyń 4 múshesi: Abzal Tulybekov, Aıtbek Sarybaı, Nursultan Birlikbaev jáne Batyr Beksaýyt qorǵady. 4 kúnge sozylǵan dúbirli doda «Majar», «Azııa», «Imperator», «Saran» stılderi boıynsha ótkenin aıta ketý kerek.
Jarystyń alǵashqy kúni sportshylar «Majar» stıli boıynsha synǵa túsip, bul saıysta «Altyn tuǵyr-2023» ıegeri Batyr Beksaýyt úzdik úshtikke ilindi. Al altyn jáne kúmis júldeni Mońǵolııa eliniń mergenderi ıelendi.
Jarystyń ekinshi kúni mergender «Azııa» nysanasyn kózdedi.
Úshinshi kúni bizdiń sportshylarymyz buryn-sońdy atyp kórmegen «Imperator» stıli boıynsha jarys boldy. Qazaqstan sportshysy Aıtbek Sarybaı osy stıldiń kúmis júldesin jeńip aldy.
Jarystyń sońǵy kúni «Saran» stıline arnaldy. Osyǵan deıin bul nysanany da kózdep kórmegen mergenderimiz taǵy da bıikke órledi. Batyr Beksaýyt mońǵol sportshylarynyń aldyn orap, altyn medal ıelendi. Osylaısha, Qazaqstan quramasy 1 altyn, 1 kúmis, 1 qola medalmen álem chempıonatyn qorytyndylady.
Jeńimpazdar men júldegerlerdi Qytaı jamby atý federasııasynyń ókilderi quttyqtap, baǵaly syılyqtar tabystady.
