1969 jyly týǵan naýqastyń osydan otyz jyl buryn, ıaǵnı 1994 jyly jambas moıny synyp, oǵan ýaqytynda hırýrgııalyq kómek kórsetilmegendikten, oń aıaǵy 10 santımetrge deıin qysqaryp qana qoımaı, jyldar boıy janyna batyp, jaǵdaıy nasharlaı túsken. Eski jaraqat sozylmaly dertke aınalyp, júrip-turýyn da qıyndata bergen.
Jaqynda almatylyq travmatologter 55-tegi naýqastyń aıaǵyn 10 sm uzartyp berdi. Kúrdeli operasııa kezinde Dáýlet Chýkmanov naýqasqa jambas býynynyń jalpy endoprotezin ornatýǵa qol jetkizdi. 1,5 saǵatqa sozylǵan hırýrgııalyq aralasýdyń arqasynda travmatologter aıaqtyń qalypty uzyndyǵyn ǵana emes, býyn qyzmetin de qalpyna keltirdi.
Endoprotezdeý – mamannyń mashyǵy men sheberligin qajet etetin kúrdeli jáne joǵary tehnologııalyq prosedýra.
«Operasııa sátti ótti, naýqas ózine kele bastady. Aıaqtyń uzarýy men endoprotez ornatý naýqastyń jambas súıekteriniń ıkemdiligin, densaýlyǵyn edáýir jaqsartyp, qalypty fızıkalyq belsendilikke oralýǵa, sozylmaly aýyrsynýdan arylýǵa múmkindik berdi», deıdi Dáýlet Chýkmanov.
ALMATY
