Foto: A.Baıjumanov
Kezdesýge qatysýshylar kóptegen ekijaqty qujattarǵa qol qoıylǵannan keıin resmı sıpatqa ıe bolǵan qazaq-eston qatynastaryn odan ári damytýdyń keleshegin talqylady. Yntymaqtastyqty tereńdetýge, parlamentarızmdi nyǵaıtýǵa jáne parlamenttik dıplomatııany óristetýge erekshe nazar aýdaryldy.
«Elderimiz dıplomatııalyq qatynastar ornaǵan kezden bastap yntymaqtastyqtyń qarqyndy damýyn kórsetip keledi. О́zara is-qımyldyń oń kórinisi jáne turaqty damýy baıqalyp otyr. Qazirgi ýaqytta eki arada birqatar mańyzdy memleketaralyq jáne óńirlik kelisimder jasaldy, sondaı-aq uzaq merzimdi yntymaqtastyqtyń negizinde belsendi dıalog júrgizip kelemiz. Biz ınvestısııa, saýda, ǵylymı zertteý, sıfrlandyrý salasynda, sondaı-aq mádenı-gýmanıtarlyq salalarda aıtarlyqtaı damýdy kórip otyrmyz», dedi Nurtóre Júsip.
Toomas Tırs óz kezeginde Estonııa Qazaqstanmen yntymaqtastyqty joǵary baǵalaıtynyn, sondaı-aq ekijaqty qarym-qatynastardy nyǵaıtýǵa belsendi yqpal etýge daıyn ekenin atap ótti.
