Foto: zhaikpress.kz
«QTJ» UK» AQ qyzmetkerleri bıznes-qoǵamdastyqtyń nazaryna kirister men shyǵystardy bólek esepke alý ádistemesin ázirleý, MTJ qyzmetterine tarıfterdi belgileý jáne iske asyrýǵa ilespe normatıvtik quqyqtyq bazany qalyptastyrý boıynsha usynymdar ázirleý úshin konkýrstyq rásimderden keıin anyqtalǵan PWC keńesshiler tobyn usyndy.
«Atameken» UKP jáne salalyq birlestikter «QTJ» UK» AQ MTJ qyzmetterine jańa tarıftik saıasatyn ázirleý boıynsha Jol kartasyn qaraýǵa aldy.
Talqylaý barysynda jıynǵa qatysýshylar tehnıkalyq tapsyrmada qandaı mindetter qoıylǵany, onyń ulttyq ekonomıkanyń múddesi qalaı kórinis tapqany týraly dáleldi jaýaptar almaǵandaryn atap ótti.
Sonymen birge, «QTJ» UK» AQ qoldanystaǵy № 10-01 preıskýranttyń ornyna MTJ qyzmetterine jańa preıskýrant ázirleý qajettigin, oǵan sáıkes tasymaldaý ishki jáne eksporttyq tasymaldarda júzege asyrylyp, tranzıttik tasymaldaý eskerilip, otandyq júk jóneltýshiler esebinen MTJ jelilik ınfraqurylymyn damytý qamtamasyz etiletinin aıtty.
Aıta ketý kerek, Kólik mınıstrliginiń deregi boıynsha 2023 jyldyń aıaǵynda Qazaqstanda temirjol kóligimen tranzıttik tasymaldaý kólemi 20 paıyzǵa ósti, bul mınıstrliktiń kólik ınfraqurylymyna qosymsha salmaq túsiredi.
Sondyqtan jańa tarıftik ádistemeni qalyptastyrý tásilderi tek eksporttyq, ımporttyq jáne ishki tasymaldaýdy ǵana emes, sonymen qatar qazirgi ýaqytta rettelmegen jáne «QTJ» UK» AQ rentabeldiliginde eleýli jáne turaqty úles alatyn ulttyq operatordyń tranzıttik áleýetin de eskerýi tıis.
Osyǵan baılanysty bıznes-qoǵamdastyq «QTJ UK» AQ-nyń kiristeri birtutas uıym retinde Dúnıejúzilik banktiń usynymyna sáıkes «biryńǵaı kassa» qaǵıdaty boıynsha qurylýy kerek.
Sondaı-aq júk túrleri boıynsha tarıfterdi saralaýdan bas tartýǵa jol bermeý týraly ustanym aıtyldy.
Álemdik tájirıbede kez kelgen naryq úlgisinde júk túri boıynsha saralanǵan baǵa belgilenedi. Temir jol tarıfi árqashan tıimdi suranysqa baılanysty. Qymbat (daıyn ónim) jáne arzan (shıkizat) taýarlar eshqashan birdeı tarıfpen tasymaldanbaıdy.
Qazaqstanda temir jol kóligi óndiristik ınfraqurylymnyń mańyzdy quramdas bóligi bolyp tabylady. Teńizge shyǵa almaıtyn ortada jáne avtomobıl joldarynyń jetkiliksiz damý jaǵdaıynda temirjol arqyly júk tasymaly tarıfteri tek salalardyń ǵana emes, jalpy ekonomıkanyń básekege qabilettiligine áser etedi.
Ulttyq temirjol kompanııasynyń yqpalymen, tutynýshylardyń múddesi eskerilmeı qabyldanatyn birjaqty sheshimderdiń saldary júk jóneltýshilerge, temir joldyń ózine de keri áser etetini anyq.
Tarıftik qurylymnyń buzylýy (oǵan sáıkes sýsymaly júkterdi tasymaldaýǵa tarıfter aıtarlyqtaı ósedi) qazirgi kúrdeli geosaıası jaǵdaıda qazaqstandyq óndirýshilerdiń básekege qabilettiligin joǵaltýǵa ákeledi.
Bul qazaqstandyq eksporttaýshylardyń álemdik naryqtaǵy pozısııasyn aıtarlyqtaı álsiretedi jáne EAEO-nyń basqa memleketteriniń óndirýshilerimen salystyrǵanda olardy kemsitedi. EAEO-nyń barlyq elderinde jáne kórshiles elderde júk túrleri boıynsha tarıfterdi saralaý bar.
UKP óńdeýshi ónerkásiptiń, taý-ken metallýrgııa kesheniniń jáne agroónerkásiptik keshenniń júk túrleri boıynsha tarıftik dıfferensıasııany joıýǵa qarsy shoǵyrlandyrylǵan pozısııasyn ustanady. Tarıfterdi saralaý joıylǵan jaǵdaıda otandyq ekonomıkanyń turaqtylyǵyna qaýip tóndiretin jáne jaǵymsyz áleýmettik saldarǵa ákep soǵatyn eksporttyq ónimdi tasymaldaý qunynyń eselep ósýiniń eleýli táýekelderi týyndaıdy.
Sondaı-aq otyrys qorytyndysy boıynsha «QTJ» UK» AQ «Atameken» Ulttyq kásipkerler palatasyna osy jobanyń tehnıkalyq sıpattamalarynyń bekitilgen nusqasyn, olardyń uqsas jobalardaǵy tájirıbesin usynýdy, jańa tarıftik ádisteme tujyrymdamasy boıynsha jobalar men paıymdaýlar, sondaı-aq sońǵy otyrysta aıtylǵan TT jáne Jol kartasyna UKP-nyń resmı ustanymy men usynystaryn joldaý týraly sheshim qabyldandy.
