Astanada búgin týǵan kúni bolǵan saılaýshyǵa syılyqtar berildi

ASTANA. 26 sáýir. Astana medısınalyq ýnıversıtetindegi №108 saılaý ýchaskesinde búgin týǵan kúni bolǵan saılaýshyǵa syılyqtar tartý etildi. Bul týraly «QazAqparat» habarlady. Kútpegen jerden qurmetke ıe bolǵan Nursulý Ospanova bıylǵy týǵan kúni ómirindegi eń erekshe bolǵanyn aıtty. «Saılaýdyń týǵan kúnimmen qatar kelgenine qýanyshtymyn. Búgingi saılaýda barshamyz durys tańdaý jasaımyz dep senemin. Bul tańdaý –jarqyn bolashaǵymyz úshin jasalǵan ıgi qadam bolmaq», – deıdi Nursulý Ospanova. Aıta keteıik, №108 saılaý ýchaskesine saılaýshylar óte kóp jınalýda. Ýchaske tóraǵasy Aıtbek Káribjanovtyń aıtýynsha, atalǵan ýchaskege 2 941 saılaýshy tirkelgen. Tańerteńnen beri solardyń 600-den astamy daýys berip úlgergen. «О́zderińiz kórip turǵandaı, bıyl saılaýshylardyń azamattyq belsendiligi óte joǵary. Daýys berýshilerdiń kópshiligi jastar. Olar bul saıası naýqanǵa asqan jaýapkershilikpen qarap, óz tańdaýlaryn jasaýda», – dedi Aıtbek Káribjanov. Elaman Qońyr. Derek: «QazAqparat». Sýret: kazakia.kz.