Aýa raıy • 18 Maýsym, 2024

Búgin elimizdiń basym bóliginde aptap ystyq kútiledi

172 ret

kórsetildi

1 mın

oqý úshin

«Qazgıdromet» RMK boljamyna sáıkes, 18 maýsymda el aýmaǵynyń basym bóliginde jańbyr jaýyp, naızaǵaı oınaıdy. Elimizdiń soltústiginde qatty jańbyr men burshaq jaýady, dep habarlaıdy Egemen.kz.

Aıana TOǴANBEK

Búgin elimizdiń basym bóliginde aptap ystyq kútiledi

Foto: freepik

Elimizdiń tek ońtústiginde jaýyn-shashynsyz aýa raıy kútiledi. Respýblıka boıynsha jel kúsheıedi.

Kúndiz Batys Qazaqstan, Atyraý, Aqtóbe, Qyzylorda oblystarynda Almaty oblysynda aptap ystyq kútiledi.

Atyraýdyń ońtústiginde, Batys Qazaqstanda, Aqtóbe oblystarynyń ońtústiginde, Mańǵystaý oblysynda aptap ystyq bolady.

Ulytaý oblysynda, Jambyl oblysynda, Almatyda, Batys Qazaqstanda, Aqtóbeniń ortalyǵynda, Mańǵystaý jaǵalaýynda, Aqmolanyń ońtústiginde, Jetisýdyń soltústiginde, Abaı oblysynyń ortalyǵynda, batysynda, Qaraǵandyda, Qostanaıdyń ońtústiginde, Shyǵys Qazaqstan, Qyzylorda oblystarynyń soltústik-batysynda, shyǵysynda joǵary órt qaýpi saqtalady.

Atyraý, Mańǵystaý, Túrkistan, Qyzylorda oblystarynda, Batys Qazaqstannyń batysynda, Aqtóbeniń ońtústiginde, batysynda, shyǵysynda, Jambyldyń ońtústiginde, Almaty qalasynyń ortalyǵynda, Qostanaıdyń ońtústiginde, Qaraǵandy oblysynda, Jetisýdyń shyǵysynda, Abaı oblysynyń ońtústiginde, Ulytaý oblysynyń ortalyǵy men ońtústiginde tótenshe órt qaýpi kútiledi.