QUBYRLAR О́ZIMIZDE JASALADY

Qazir óndiristi óńirde kún saıyn  shaǵyn bir zaýyt, kásiporyn ashylsa da jańalyq emes sııaqty. Oǵan mysaly, maýsym aıynda bir kúnde iske qosylǵan eki seriktestiktiń jumysyn aıtýǵa bolady. Onyń biri – Aqsý qalasyndaǵy polıetılen qubyrlar shyǵaratyn shaǵyn zaýyt bolsa, ekinshisi – oblys ortalyǵyndaǵy qubyrlardy aldyn-ala ızolıasııalaý óndirisi. Aqsýdaǵy polıetılen qu­byrlar shyǵaratyn “DANıER” óndiristik saýda-qu­rylys fırmasynyń seh­tary jańa tehno­logııalarmen jabdyqtalypty. Bul qu­byrlar kúndelikti ózimiz tutynatyn aýyz sýdy jetkizip berip otyratyn qalaishilik ınjenerlik jelilerge ar­nalǵan. Dıametri 20-dan 500 mıllımetrge deıin. Zaýyt endi jylyna 300 mıllıon tekshe metr qubyr jasap shyǵarady. Seriktestik dırek­tory  Nur­lan Nurmaǵan­betovtiń aı­týynsha, qubyrlar jasaýǵa qajetti shıkizat sonaý Koreıa elinen jetki­zi­ledi eken. Osy jobany iske asyrý úshin 100 mıllıon teńge jumsalypty. Elbasy bı­ylǵy Joldaýynda kásip­ker­liktiń jańa ekono­mıkalyq damýymyzdyń qozǵaýshy kúshi ekenin, sonyń arqasynda shaǵyn jáne orta kásip­kerliktiń jańa tobyn kóbeıtý  kerektigin aıtqan edi. Sol jańa toptardyń qatary qazir birtindep kó­beıip keledi. Jańa kásip­orynda 62 jumys orny ashyldy. Sonymen qatar, “Arinvest” seriktestigi de jańa jobany júzege asyrdy. Eki kásiporyn da jaýap beretin jańa tehnologııalarmen jasalyn­ǵan sý qubyrlaryn ómirge ákeldi.  Serik Suraǵanov basqaratyn bul óndiris orny jer asty jeli joldaryna tóseletin qubyrlardy arnaıy ızolıasııalap baryp daıyn kúıinde qoldanysqa jibere alady. Iаǵnı, ystyq sý men sýyq sýdy nemese jylýdy tasymaldaý kezinde buryn­ǵydaı syrtyn orap-qymtap, tastarmen bastyrýdyń qajeti joq, kerisinshe, bolat qubyrdyń syrtyna polıe­tı­len qubyr kıgiziledi, qubyrdy saqtaý júıeleri de óndiris­shilerdiń qolynda. Olardyń aıtýynsha mundaı daıyn qubyrlardy qazylǵan shuń-qyrlarǵa aparyp ornatyp, birden paıdalana berýge  bolady eken. Bul qubyrlar da uzaq jyldarǵa shydaı alady ári sýdyń betaldy ysyrap bolmaýyna kóp paıdasy da bar. Qorshaǵan ortaǵa tıgizer zııany da az. Bolat qubyrlar shirýge tózimdi. Taǵy bir basty ereksheligi – bolat qubyr­lardyń ózara jalǵasqan tustary mys symdarmen baılanysqan, olar zaýyttyń operatorlyq kompıýterlik ortalyq júıelerine jal­ǵan­ǵan, al, apat bola qalǵan kezde olar belgi berip otyrady. Sondyqtan, kúndelikti ish­ip, jýynyp otyrǵan sýy­ńyz­dyń tazalyǵyn, ekolo­gııalyq qaýipsizdigin saqtaıtyn  bul jańa qubyrlardyń baǵasy da qym­bat. Satyp alýshylar árı­ne, bul qubyrlardyń tıim­di­li­gine, montajdaý-jón­deý ju­mystarynyń yń­ǵaı­ly­ly­ǵyna qarap baryp qyzyǵyp satyp alary sózsiz. Oblys or­ta­­lyǵynda jáne Aqsý qa­la­synda ashylǵan zaýyt­tardyń óz­deri shaǵyn bolsa da, óńir úshin ashqan jańalyqtary óte zor. Farıda BYQAI. PAVLODAR.