KО́KShETAÝ. 26 sáýir. Kókshetaýdaǵy №6 saılaý ýchaskesine daýys berýshiler tańǵy saǵat 6.30-dan bastap keldi. Alǵash bolyp jınalǵan 40 shaqty saılaýshynyń arasynda jastardyń qatary qalyń. Bul týraly egemen.kz habarlady.
Atalǵan ýchaske ornalasqan qaladaǵy №1 mekteptiń esigi saǵat týra 7:00-de ashyldy. Dástúrge sáıkes memlekettik gımn shyrqaldy. Munda daýys berýshilerge komıssııanyń bes múshesi alfavıttik tártippen qyzmet kórsetedi. Kógildir shymyldyqty bes kabına jabdyqtalǵan.
Ýchaskelik saılaý komıssııasynyń tóraıymy Irına Golovchenko óz áriptesterimen jáne «Saılaýdyń barysyna baqylaý jasaý jónindegi Qazaqstan Respýblıkasy qoǵamdyq komıssııasynyń múshesi» Vıktor Geıdiń qatysýymen daýys berý bıýlletenderi salynǵan seıfti ashyp, daýys berý jáshigin mórmen bekitti. Munyń barlyǵy komıssııanyń №1 qaýlysynda kórinis taýyp, ilinip qoıyldy.
Tóraıymnyń aıtýynsha, daýys berýge 2 635 adam tirkelgen. Sonyń ishindegi 40 kisige jol júrýine baılanysty ózge óńirlerde daýys berýge ruqsat berilipti. Saılaýshylardyń 12-si mańyzdy naýqanǵa tuńǵysh ret qatysady eken. Sondaı-aq, 31 kisi jyljymaly daýys berý jáshiginiń qyzmetin paıdalanady.
Kókshetaý qalasynyń turǵyny, stýdent Haırat Aıdyn birinshi bolyp daýys berdi. Jurtshylyq oǵan qoshemetpen qol soqsa, ýchaske tarapynan arnaıy syılyq tapsyryldy. Al A.Myrzahmetov atyndaǵy ýnıversıtettiń 3-kýrs stýdenti Keńes Móldir ata-anasymen birge kelip daýys berdi.
Osy ýchaskede daýys bergen Aqmola oblysynyń ákimi Sergeı Kýlagın jurtshylyqty el taǵdyryndaǵy mańyzdy oqıǵamen quttyqtady.
Saılaý barysyn baıqaýǵa qatysyp otyrǵan «Nur Otan» partııasynyń ókili Boranbaı Begalın men Ábilǵazy Qusaıynovtyń ókili Serik Esmaǵambetovti sózge tartqanymyzda, aıtýly sharanyń joǵary deńgeıde uıymdastyrylǵanyn, daýys berýdiń belsendilikpen ári zańdylyqqa saı ótkizilip jatqanyn aıtty.
Baqbergen Amalbek.
Derek: egemen.kz.
Sýret: Tólegen Qosshyǵulov.
