TARAZ. 26 sáýir. Jambyl oblysynyń saılaýshylary búgingi naýqanda belsendilik tanytýda. Taraz qalasyndaǵy №50 saılaý ýchaskesinde kúndizgi saǵat 10-ǵa deıin 800-ge jýyq saılaýshy óz tańdaýyn jasap úlgerdi. Bul týraly egemen.kz tilshisi habarlady.
Ýchaskede saılaýshylarǵa barlyq jaǵdaı jasalǵan. Aýlada ásem án qalyqtap jatsa, ishte daýys berýshilerdiń keıbiri shahmat, doıby oıyndaryna qyzý kirisip ketipti. Sondaı-aq, saılaý ýchaskesi janynda saýda dúńgirshekteri qoıylyp, el qajetti azyq-túlikterin satyp alýda.
Al Taraz qalasyndaǵy №39 saılaý ýchaskesine alǵashqylardyń biri bolyp kelgen 78 jastaǵy Botabaı Maldybaev aqsaqal el taǵdyry sheshiletin jaýapty sátke beı-jaı qaraı almaıtynyn aıtady. Búginde beınetiniń zeınetin kórip otyrǵan qarııa daýys berýge áıdegi ájemizben birge kelipti.
Jambyl polıtehnıkalyq kolledjiniń stýdenti Zahar Sharıpov óz tańdaýyn №35 saılaý ýchaskesinde jasady. Bolashaq jylyjaı mamany Zahar osy naýqanǵa at salysyp, daýys bergenine óte qýanyshty. «Tańerteń erte turyp, saılaý ýchaskesine jetkenshe asyq boldym. Bul – men úshin úlken jaýapkershilik», – deıdi ol.
Jambyldyq saılaýshylardyń óz tańdaýlaryn jasaýda belsendilik tanytýy olardyń bul saıası naýqanǵa asqan jaýapkershilikpen qaraıtynyn bildirse kerek. Birligi, yntymaǵy jarasqan eldiń halqy osyndaı uıymshyl bolady.
Oralhan Dáýit.
Derek, sýret: egemen.kz.
