Kezdesý barysynda halyqaralyq jáne óńirlik qaýipsizdiktiń ózekti máselelerin, sondaı-aq Qazaqstannyń UQShU-ǵa tóraǵalyǵy kezindegi basymdyqtardy oryndaý jónindegi sharalardy iske asyrý barysy talqylanady.
Otyrys qorytyndysy boıynsha Uıym qyzmetin odan ári jetildirýge baǵyttalǵan qujattarǵa qol qoıylyp, birqatar saıası málimdeme qabyldanady dep kútilýde. «Kezdesýge Reseı syrtqy ister mınıstri Sergeı Lavrov qatysady», dep habarlady RF SIM resmı ókili Marııa Zaharova.
Buǵan deıin Armenııa syrtqy ister mınıstri Ararat Mırzoıannyń búgingi kezdesýge qatyspaıtyny belgili boldy.
Eske salaıyq, maýsym aıynyń basynda Qazaqstan Prezıdenti Qasym-Jomart Toqaev UQShU Bas hatshysy Imanǵalı Tasmaǵambetovti qabyldady. Memleket basshysy atap ótkendeı, Uıym terrorızm, esirtki jáne qarý-jaraq aınalymy, aqparat salasyndaǵy qylmystar sııaqty syn-qaterler men qaýip-qaterlerge qarsy turýǵa erekshe nazar aýdarýy kerek.
UQShU: tarıhy jáne qatysýshylary
Ujymdyq qaýipsizdik týraly shartty uıymdastyrý 1992 jyly 15 mamyrda Tashkentte (О́zbekstan) Qazaqstan, Reseı, Armenııa, Qyrǵyzstan, Tájikstan jáne О́zbekstan memleketteriniń basshylary qol qoıǵan Ujymdyq qaýipsizdik týraly shartty jasaý kezeńinen bastalady. Keıin oǵan Ázerbaıjan, Belarýs jáne Grýzııa qosyldy (1993). Shart 1994 jylǵy 20 sáýirde ratıfıkasııalaý rásimderi aıaqtalǵannan keıin kúshine endi.
1999 jyly Qazaqstan, Reseı, Armenııa, Belarýs, Qyrǵyzstan jáne Tájikstan Ujymdyq qaýipsizdik týraly sharttyń qoldanylý merzimin uzartý týraly hattamaǵa qol qoıdy, onyń negizinde qatysýshy elderdiń jańa quramy qalyptastyryldy jáne Shartty bes jyldyq merzimge uzartýdyń avtomatty tártibi quryldy (Ázerbaıjan, Grýzııa jáne О́zbekstan Sharttaǵy múshelikterin toqtatty). 2002 jyly 14 mamyrda Máskeýde Ujymdyq qaýipsizdik keńesi Ujymdyq qaýipsizdik shartyna halyqaralyq aımaqtyq uıym mártebesin berý týraly sheshim qabyldady.
