QARAǴANDY. 26 sáýir. Qaraǵandy qalasyndaǵy Kenshiler mádenıet saraıynda ashylǵan №17 saılaý ýchaskesinde daýys berý saltanatty rásimmen bastaldy. Bul týraly egemen.kz habarlady.
О́z tańdaýlaryn jasaýǵa erteletip kelýshilerdi «Qyzyl Juldyz» ordeniniń ıegeri, tyl ardageri, podpolkovnık Rahmetolla Ospanov aqsaqal quttyqtap, alǵash bolyp daýys berdi. Saılaýǵa birinshi ret qatysýshy Qaraǵandy memlekettik tehnıkalyq ýnıversıtetiniń stýdenti Amanǵalı Rahımov jastar arasynan osyndaı qurmetke ıe boldy. «Men óz elimniń bolashaǵy úshin daýys berýge keldim. Qalaýymdy úmitkerlerdiń qaısysyna jasaý úshin kóp tolǵandym. Sheshimim durys boldy dep oılaımyn», – dedi ol.
Oblys ortalyǵyndaǵy №53 saılaý ýchaskesine tirkelgen saılaýshylar da belsendilik tanytýda. Atalǵan saılaý ýchaskesi komıssııasynyń tóraǵasy Álimhan Súleımenovtiń aıtýynsha, tańerteńgi saǵat 10-ǵa deıin saılaýshylardyń 15 paıyzy óz tańdaýyn jasap úlgergen. Sondaı-aq, osy ýaqyttarda daýys berýshiler saılaý ýchaskesine tolassyz kelýde. Osynda TMD elderi baıqaýshylar komıssııanyń ókili Olga Soskoves bolyp, daýys berý barysymen tanysty.
Basqa saılaý ýchaskelerinde de daýys berýshiler búgingi naýqanǵa belsendi atsalysýda. Saılaý esh zań buzýshylyqsyz ótýde.
Aıqyn Nesipbaı.
Derek, sýret: egemen.kz.
