- Agroónerkásiptik keshendi sýbsıdııalaý aıasynda Aýyl sharýashylyǵy mınıstrligi 14 baǵyt boıynsha sharýalardy memlekettik qoldaý sharalaryn qamtamasyz etý boıynsha jumys júrgizip jatyr, dep málimdedi AShM.
Qazaqstanda 270 myńnan astam aýyl sharýashylyǵy taýaryn óndirýshiler tirkelgen, olardyń 18 myńnan astamy iri zańdy tulǵalar, qalǵandary shaǵyn jáne orta sharýa qojalyqtary. Búgingi tańda memlekettik sýbsıdııalaý aqparattyq júıesinde 90 myń belsendi paıdalanýshy tirkelgen.
Memlekettik júıeniń iske qosylýy sharýalardy memlekettik qoldaý sharalarymen qamtýdy 19%-dan 32,2%-ǵa deıin arttyrýǵa múmkindik berdi. Shaǵyn jáne orta sharýa qojalyqtary arasynda memlekettik qoldaý alýshylar sany artyp, maquldanǵan ótinishterdiń 25 paıyzy ǵana iri zańdy tulǵalardan keledi.
- Júıe sonymen qatar astyqty saqtaý, jınaý jáne keptirý úshin arzandatylǵan dızel otynyn úlestirý qyzmetin usynady. Dızel otyny qaldyqtaryn bólý, jyljytý jáne esepke alýdyń barlyq prosesi avtomattandyrylǵan, – delingen aqparatta.
Búgingi tańda barlyq óńirden 45 590 ótinim berilip, 114,7 mlrd teńgege 20 739 ótinim maquldandy. Qalǵan ótinishterdi oblystyq aýyl sharýashylyǵy basqarmalary qarap jatyr. Bul kórsetkishter aýyl sharýashylyǵy ónimin óndirýdi ulǵaıtýǵa jáne sapasyn arttyrýǵa kómektesetin aýyl sharýashylyǵy taýaryn óndirýshilerdiń memlekettik qoldaý alý úderisine belsendi túrde qatysqanyn kórsetedi.
