Otyrar.kz jazǵandaı, bul isti alqabıler birneshe aı boıy qarady. Sottalýshy jazasyn orta rejımdegi kolonııada 15 jyl ótkizetin bolady.
Sottalýshynyń advokaty Aınagúl Rústemovanyń aıtýynsha, áıel qylmysty psıhıkalyq aýytqýlarǵa baılanysty jasaǵan. Áıelde gallıýsınasııa bolyp, basyndaǵy daýystar balalardy óltirýge shaqyrǵan. Advokattyń aıtýynsha, oqıǵadan keıin Túrkistannan Shymkentke qashý úshin emes, óz-ózine qol salý úshin ketken.
- Men maman emespin, biraq biz onyń psıhologııalyq aýytqýlary bar dep sanaımyz. Sebebi ol daýystardy estıtinin aıtady. Biz muny alqa bılerge de dáleldeýge tyrystyq. Sebebi ata-anasynyń aıtýynsha 2008 jyly 17 qyrkúıekte ol Qyzylordada kolledjde oqyp júrgeninde esinen tanyp qalyp, keıin esin jıǵanda sandyraqtaı bastaǵan. Jedel járdem qyzmetkerleri onda depressııa belgileri bar ekenin aıtyp, psıhıatrııalyq aýrýhanaǵa aparǵanyn aıtty. Biraq bir kúnnen keıin meniń qorǵaýshymnyń ata-anasy ony ózderi emdep, alyp ketetindigi týraly qolhat jazdy. Munyń barlyńyn is materıaldaryna qostym. Biraq bul fakt eskerilmedi. Sonymen qatar, meniń qorǵaýshym birneshe jyldar boıy ózin-ózi óltirýge tyrysqan. Onyń basyndaǵy daýystar únemi ózin-ózi óltirýdi nemese bireýdi óltirýge buıyrǵan. Tipti janýar da óz balasyn óltirmeıdi, esi durys áıel balalaryn qalaı óltirsin?, – dedi Aınagúl Rústemova.
Sot prosesinde balalardyń ákesi jábirlenýshi tarap retinde tanyldy. Memlekettik aıyptaýshy sottalýshynyń eki balasyn óltirý sebebin túsindirmegenin alǵa tartty. Alaıda ol talqylaý kezinde ózine jeńil úkim suraǵan.
- Sotqa deıingi tergeý barysynda ol aıǵaqtar berdi. Is "kámeletke tolmaǵan adamdy óltirý" baby boıynsha sotqa berildi. Osy bapta qarastyrylǵan sanksııa oǵan 15 jylǵa bas bostandyǵynan aıyrýdy surady. Sonymen qatar, is boıynsha jeńildetetin jaǵdaı buryn sottalmaǵany eskerildi. Al qylmysty aýyrlatatyn faktorlar anyqtalǵan joq, - dedi memlekettik aıyptaýshy Aıgúl Bemýrzaeva.
Qylmys osy jyldyń 7 aqpanynda Túrkistandaǵy jaldamaly páterde sottalýshynyń týǵan kúninde jasaldy. Is materıaldaryna áıeldiń kúıeýine jazǵan habarlamalary da boldy. Qylmysqa birneshe kún buryn olardyń arasynda janjal týyndaǵany belgili boldy. Sotta áıeldiń balalaryn óltirýine jubaıymen janjal sebep bolýy múmkin ekeni aıtyldy.Sotqa deıingi tergeý barysynda oǵan barlyq qajetti saraptamalar, sonyń ishinde psıhıatrııalyq saraptama júrgizilgen. Nátıjesinde 32 jastaǵy áıeldiń esi durys dep tanyldy.
- Sotqa deıingi tergeý barysynda ol kinásin moıyndaǵan edi, biraq sotta ol qylmysty qalaı jasaǵanyn esinde joq ekenin aıtty. Sotta ol “psıhıkalyq aýrýym bar” degen ustanymdy ustandy. Bul faktiler sot prosesinde tekserildi, biraq eshqandaı rastaý tabylǵan joq. Sot-psıhıatrııalyq saraptamanyń qorytyndysy boıynsha onyń eshqandaı aýrýmen aýyrmaıtyndyǵyn anyqtaldy, - dedi Túrkistan oblysynyń qylmystyq ister jónindegi mamandandyrylǵan aýdanaralyq sotynyń sýdıasy Dáýren Mádalıev.
Áıel qylmys jasaǵan soń qashyp ketken. Ony izdeýge qalanyń barlyq qyzmetkerleri jumyldyrylyp, nátıjesinde Shymkentten tabyldy. Ol buryn mektepke deıingi mekemede tárbıeshi bolyp jumys istegen. О́ńirdiń bilim basqarmasy dıspanserlik esepte turmaǵanyn, ata-analarmen jáne balalarmen jaqsy qarym-qatynasta bolǵanyn jetkizdi. Tipti eńbegi úshin túrli alǵys hattar men madaqtamalar da alyp kelgen.
