Kórmede negizinen qostanaılyq sýretshiler salǵan soǵys ardagerleriniń, Uly Otan soǵysy batyrlarynyń portretteri kórermen nazaryn birden jaýlaıdy. Sonymen qatar jergilikti fotograftar shyǵarmalary da kórmeden oryn aldy.
Kórmeniń ashylýyna soǵys ardagerlei shaqyrylyp, olarǵa qurmet kórsetildi. Kórmeni uıymdastyrǵan oblystyq tarıhı-ólketaný mýzeıiniń qyzmetkerleri kórmege kelýshilerge maıdannan jazylǵan hattardyń kóshirmesin taratty. Mýzeıdiń ǵylymı qyzmetkerleriniń málimetinshe, maıdannan kelgen 60 hattyń túpnusqasy saqtaýly. Mýzeı maıdannan saǵynyshqa toly hattardyń myńǵa jýyq kóshirmesin qostanaılyqtarǵa taratty. Kórermender úshbý hattardy qýana alyp, tolqı oqydy, saqtap qoıýǵa ýáde etti. Kórmede kelýshiler tek sýretterdi tamashalaǵan joq, kórkemónerpazdar olardy patrıottyq jáne soǵys jyldaryndaǵy ándermen qarsy aldy.
Oblystyq ardagerler keńesiniń tóraǵasy Kenjebek Ýkın: «Jeńistiń 70 jyldyq merekesi de esik qaǵyp tur. Bul jeńis halqymyzǵa ońaılyqpen kelgen joq. Qostanaı oblysynan basqasyn aıtpaǵanda 1268 áıel maıdanǵa atttandy. Al tylda da eńbek maıdany júrip jatty. Otan úshin barlyǵy da ólimge bas tikti. Sondyqtan Jeńis óner taqyrybyna aınalyp keledi. Soǵys — máńgilik taqyryp», dedi. Kórermender qostanaılyq qylqalam sheberleri Georgıı Sokovtyń, Oleg Kýskovtyń, Nıkolaı Torshınniń, Vadım Bykovtyń soǵys taqyrybyna jazǵan shyǵarmalaryn tamashalady.
Názıra Járimbetova.
Derek: egemen.kz Sýret: ng.kz
