Jazǵy demalys qalaı ótedi?

Atap aıtsaq, Ulttyq akademııalyq kitap­hanada ertegi terapııa, ıntellektýaldy kvest jáne kitap aksııalary men ekskýrsııalary josparlanyp otyr.

Almaty qalasyndaǵy za­ǵıp jáne nashar kóretin aza­mattarǵa arnalǵan respýb­lıkalyq kitaphanada balalarǵa arnalǵan tıflotúsiniktermen er­tegiler kórsetiledi, shahmat, doıby, toǵyzqumalaq úıir­meleri boıynsha týrnırler uıymdastyrylady.

Al Aqmola oblysynda as­­­falttaǵy flesh-sýret­ter baı­qaýy, book land, dom­by­ra-batl, ashyq aspan as­tynda ótetin is-sharalar jospar­lan­ǵan.

Soltústik Qazaqstan oblysynda «Bala tili – bal», «Ertegini tabyńyz», «Vozmı knıgý v dorogý» syndy túrli taqyryptar aıasynda balalardyń jas erek­shelikterine qaraı túrli is-shara ótedi.

Sondaı-aq Qostanaı oblysynda «Shekarasyz balalyq shaq», «Kitaptarda demalys joq», basqa da tanymdyq jıyn­dar uıymdastyrylady.

Túrkistan oblysynda jazǵy balalar baıqaýy, bıblıopıknık, úıirmeler ótedi. Budan bólek Abaı oblysynda jaz aılarynda 12 baǵyt boıynsha joba jumys isteıtin bolady.

Al Aqtóbe oblystyq ki­tap­hanalary kvest oıyndar, sh­eberlik saǵaty men «Oqıtyn dos izdeımin» jazǵy oqý jobasyn uıymdastyrmaq.

Almaty oblysynyń kitap­hanalarynda kitap kór­mesi, sýret salý baıqaýy ótedi. Aty­raý oblysynda «Kitappen birge ótken jaz» jobasy iske asyrylmaq.

Sonymen, óńirler bo­ıynsha eń kóp is-shara Aq­mola, Soltústik Qazaqstan jáne Qos­tanaı oblystarynda jos­parlanǵan. Astana, Alma­ty jáne Shymkentte jas oqyr­mandar úshin 2000 is-shara uıym­dastyrylady. Al Ult­tyq kitaphana men Ulttyq akade­mııalyq kitaphana, Zaǵıp jáne nashar kóretin azamattarǵa ar­nalǵan respýblıkalyq k­itaphana 197 is-shara ótkizedi.