foto: aikyn.kz
Bul jylý kózine árqaısysy 100 Gkal/saǵ jylý ónimdiligi bar úsh kómirtozańdy sý jylytý qazandyǵy ornatylǵan. Olar gıdravlıkalyq ádispen kúl úıindisine arnaıy kúl-qoj qubyrlary arqyly shyǵarylatyn qaldyqtardyń kózi sanalady. Búgingi tańda 2012 jyly turǵyzylǵan kúl úıindisi 100% tolǵan.
Osyǵan baılanysty bólý júıesin rekonstrýksııalaýǵa jáne kúl úıindisin ulǵaıtýǵa Úkimet rezervinen qarajat baǵyttalady, bul aldaǵy jylytý maýsymynda aýdandyq qazandyqtyń úzdiksiz jumysyn qamtamasyz etýge múmkindik beredi. Qysta ol táýlik boıy jumys isteıdi.
№2 aýdandyq qazandyq №1, «Kókshetaý 2» jáne «Krasnyı Iаr» qazandyqtarymen qatar jylý energııasyn óndirýmen, berýmen jáne taratýmen aınalysatyn «Kókshetaý Jylý» kásipornynyń jylý keshenine kiredi. Jalpy, ol 5 myńnan astam kóppáterli jáne jeke turǵyn úıdi, sondaı-aq 120 bilim berý nysanyn, 46 densaýlyq saqtaý obektisin, 1 myńnan astam ónerkásip nysanyn jáne ózge de uıymdardy jylýmen qamtamasyz etedi.
Qazaqstanda aldaǵy kúzgi-qysqy kezeńge jylý kózderin qarqyndy daıyndaý jumysy Úkimet basshylyǵynyń baqylaýynda.
