Foto: Astana ákimdigi
Týrnırdiń ashylý saltanatynda sóz sóılegen Týrızm jəne sport mınıstrliginiń sport jane dene shynyqtyrý isteri komıteti tóraǵasynyń orynbasary Azamat Imashev qatysýshylarǵa sáttilik tiledi.
Sonymen qatar Astana qalasy Dene shynyqtyrý jəne sport basqarmasynyń sport bóliminiń basshysy Azamat Aǵzamov, «Qazaq Arlany» by M.Toitov boks klýbynyń negizin qalaýshy, bokstan halyqaralyq dərejedegi sport sheberi, «Astana Arlans» quramynda WSB nusqasy boıynsha eki dúrkin əlem chempıony, «Dala qyrandary» qoǵamdyq birlestiginiń úılestirýshisi Meıirbolat Toıtov jáne Qazaqstannyń eńbek sińirgen sport sheberi, əýesqoı bokstan əlem chempıony, Olımpıada oıyndarynyń eki dúrkin kúmis júldegeri Bolat Jumadilov qatysýshylarǵa jeńis tiledi.
Jalpy jarysqa qoldaý kórsetip, kelýshilerdiń arasynda bloger sportshylardan tartyp, álem chempıondyǵyna deıin jetken sport sheberleri boldy. Al qatysýshylar ózderiniń mundaı deńgeıdegi sharshy alańda judyryqtasqandaryna qýanyshty ekenderin jetkizip, bolashaq armandary týraly aıtty.
«Men bokspen úsh jarym jyldan beri aınalysyp kele jatyrmyn. Osyǵan deıin 10-ǵa jýyq altyn medal aldym. Qazir jasym – 12-de. Bolashaqta Mahmud Sabyrhan, Sáken Bıbosynov sııaqty chempıon bolǵym keledi. Buıyrsa, búgingi jarysta da ózimniń myqty daıyndalǵanymnyń nátıjesin kórsetemin», dedi jas boksshy Arysbek Narqozy.
Sondaı-aq jarysqa qatysatyn balalardyń ár qımylyn baqylap, olardy osy saıysqa arnaıy daıyndap ákelgen bapkerler ózderiniń bolashaqtan kútetin úmitteri zor ekenin aıtyp, jarysty uıymdastyrýshylarǵa alǵys bildirdi.
Dúbirli dodaǵa Qazaqstannyń barlyq aımaǵynan 200-ge jýyq jas boksshy qatysyp jatyr. 4 kúnge sozylatyn jarysta jalpy esepte 15 salmaq dərejesinde jeńimpaz pen júldegerler anyqtalatyn bolady.
