Foto: Aqorda
Respýblıkalyq komıssııanyń sheshimimen 184 otandasymyzǵa «Bolashaq» stıpendııasy taǵaıyndaldy. Olar magıstratýra jáne doktorantýra baǵyttary boıynsha álemniń úzdik ýnıversıtetterinde bilim alady.
Sonymen qatar komıssııa otyrysynda otandyq ǵalymdardyń jetekshi sheteldik ǵylymı ortalyqtarda ǵylymı taǵylymdamadan ótý máselesi qaraldy. Memlekettik keńesshi Prezıdenttiń atalǵan bastamasy Qazaqstan ǵylymynyń damýyn yntalandyrýǵa baǵyttalǵanyn atap ótti. Erlan Qarın ǵylymı taǵylymdamaǵa arnalǵan granttardy bólý kezinde otandyq ǵylymnyń basym baǵyttary boıynsha tepe-teńdikti mindetti túrde saqtaý qajet ekenine nazar aýdardy. Bul áleýmettik-gýmanıtarlyq, sondaı-aq ınjenerlik-tehnıkalyq mamandyqtarǵa da qatysty.
Memlekettik keńesshi Erlan Qarın otyrys qorytyndysy boıynsha «Bolashaq» halyqaralyq stıpendııasyna jáne ǵylymı taǵylymdamalar baǵdarlamasyna konkýrstyq negizde irikteý prosesin odan ári júzege asyrýǵa ári jetildirýge qatysty birqatar naqty tapsyrma berdi.
