Bir qyzyǵy tórt túliktiń súıegi ǵana emes, múıizi, tuıaǵy, tipti tisterinen de kórkem dúnıe shyǵarady. Bul – qolónerdiń umyt bolyp bara jatqan kóne túri. «Etti jegen soń súıekteri qalady. Sol súıekterdi soda qosyp taǵy bir márte qaınatamyn. Soda maıyn ketiredi,ony jumsartady. Kóbine jaýyryn súıekterin oıamyn. Súıekke túrli ulttyq naqyshtaǵy sýretterdi beıneleımin», deıdi ol.
Apat ańǵaratyn robot
«Hydrus» roboty Úndi muhıtyndaǵy baıaǵyda bolǵan apattardy izdep, anyq-qanyǵyna jetip júr.
Alǵashqy súńgý kezinde «Hydrus» teńiz túbine shashyraǵan 64 metrlik úlken kemeniń synyqtaryn tapty. Advanced Navigation málimetteri boıynsha, adamzat muhıttyń tek 24 paıyzyn zerttep, kartaǵa túsirdi. Al zerttelmegen bólikterde 3 mıllıonnan astam anyqtalmaǵan apat orny bar. Qurdymǵa ketken kemelerde qansha eldiń mádenıeti, tarıhy, tipti ǵylymynyń kilti bar deıdi ǵalymdar. Qazyna jatýy da ábden múmkin.
Rekordshy ájeı
«Adamnyń jasy – jaı ǵana sandar», dedi 104 jastaǵy Dorotı Hoffner. Ol ony jaıdan jaı aıta salǵan joq. Parashıýtten sekirip, rekord jańartqanda aıtty.
104 jastaǵy Chıkago turǵyny rekord jańartý úshin parashıýt arqyly ushaqtan sekirgen. Ol Chıkagodan ońtústik-batysqa qaraı 140 km qashyqtyqta jerge qondy. Sonda júrek jutqan áje 4100 metr bıikten quldılaǵan. Buǵan deıin mundaı rekord 103 jastaǵy shvesııalyq keıýanaǵa tıesili-tuǵyn.
