Foto:Atamken UQP baspasóz qyzmeti
Marapattaý rásimin Belarýs Respýblıkasynyń Standarttaý jónindegi memlekettik komıteti men standarttar bıýrosy uıymdastyrdy.
«TMD syılyǵy joǵary sapaly jáne básekege qabiletti ónim óndirýdi yntalandyrýǵa, taýar óndirýshilerdiń eksporttyq múmkindikterin arttyrýǵa, TMD-nyń sapaly ónim óndiriletin aýmaq retindegi bedelin arttyrýǵa baǵyttalǵan», dedi TMD Bas hatshysynyń birinshi orynbasary.
Marapattaý rásimine Armenııa, Belarýs, Qazaqstan, Qyrǵyzstan, Reseı jáne Tájikstannan kelgen konkýrstyń laýreat-kásiporyndary men dıplomant-kásiporyndarynyń ókilderi qatysty. Sonymen qatar Ázerbaıjan, Belarýs, Qazaqstan, Qyrǵyzstan, Reseı, Tájikstan jáne О́zbekstannyń standarttaý, metrologııa, sáıkestikti baǵalaý jáne akkredıtteý jónindegi ulttyq organ ókilderi, EEK pen RО́KO Tehnıkalyq retteý komıtetiniń ókilderi jáne Standarttar bıýrosynyń qyzmetkerleri boldy.
Belarýs Premer-mınıstriniń orynbasary Petr Parhomchık pen TMD Bas hatshysynyń birinshi orynbasary Leonıd Anfımov usynylatyn ónimder men qyzmetterdiń sapasy men básekege qabilettiligi, ınnovasııalyq tehnologııalar men basqarýdyń zamanaýı ádisterin engizý salasyndaǵy eleýli nátıjelerge qol jetkizgeni úshin laıyqty marapattardy tabystady.
Qazaqstan, Armenııa, Belarýs, Tájikstan jáne Reseıden kelgen 11 kásiporyn konkýrs jeńimpazdary atandy. Sondaı-aq Qazaqstan, Belarýs, Qyrǵyzstan, Tájikstan jáne Reseıden kelgen 11 kásiporyn dıplomant atandy.
TMD syılyǵynyń Qazaqstandyq laýreattary:
- «250-den 1500 adamǵa deıin jumys kúshi bar ónerkásip ónimderin óndirý» nomınasııasy boıynsha «Maker (Meıker)» Jaýapkershiligi shekteýli seriktestigi;
- «Qyzmetkerleriniń sany 250-ge deıin bolatyn halyq tutynatyn taýarlardy óndirý» nomınasııasy boıynsha «PO Global-Spessodejda» Jaýapkershiligi shekteýli seriktestigi.
Sapa dıplomy kelesilerge berildi:
- «Qyzmetkerleriniń sany 250-ge deıin bolatyn ónerkásip ónimderin óndirý» nomınasııasy boıynsha «Stolıchnaıa Steklopaketnaıa Kompanııa» jaýapkershiligi shekteýli seriktestigi;
- «250-den 1500 adamǵa deıin jumys kúshi bar halyq tutynatyn taýarlardy óndirý» nomınasııasy boıynsha «Dolce» Jaýapkershiligi shekteýli seriktestigi.
Aıta keterligi, sapa ıdeologııasyn nasıhattaýda Qazaqstan Prezıdentiniń «Altyn sapa» syılyǵy erekshe ról atqarady. 2009 jyly ol Eýropalyq sapa syılyǵynyń úlgisimen úılestirildi.
Júldege Qazaqstannyń aýmaǵynda taýar óndirýmen jáne qyzmet kórsetýmen aınalysatyn jeke kásipkerler men zańdy tulǵalar ótinish bere alady.
Qazaqstan Prezıdentiniń syılyǵy tórt nomınasııa jáne eki arnaıy syılyq boıynsha beriledi:
- «О́ndistik maqsattaǵy úzdik kásiporyn»;
- «Halyq tutynatyn taýarlar shyǵaratyn úzdik kásiporyn»;
- «Qyzmet kórsetetin úzdik kásiporyn»;
- «Azyq-túlik jáne/nemese aýyl sharýashylyǵy ónimderin óndiretin úzdik kásiporyn»;
- «Úzdik ındýstrııalyq joba»;
- «Úzdik ınnovasııalyq joba».
«Altyn sapa» baıqaýynda jalpy 122 otandyq kompanııa marapattaldy.
Búginde sapa – TMD elderiniń ekonomıkalyq saıasatynda mańyzdy basymdyqqa ıe. Qyzmettiń barlyq kezeńinde sapaǵa mán bergen kompanııalar ǵana tabysty bola alady. Sapa salasyndaǵy básekelestik ekonomıkanyń barlyq segmentin ekologııalyq taza, qaýipsiz ári resýrstardy únemdeıtin ónimder shyǵarý men qyzmetterdi kórsetýge baǵyttalǵan.
