KOMMÝNALDYQ SALANYŃ SAN-SALALY ISTERI

Memleket basshysy N.Á.Na­zarbaevtyń bıylǵy “Jańa onjyldyq – jańa ekono­mı­kalyq órleý – Qazaqstannyń jańa múmkindikteri” atty el halqyna Joldaýynda turǵyn úı-kommýnaldyq sharýashylyq júıesin damytýǵa jiti nazar aýdarylǵan bolatyn. Osyǵan oraı Qazaqstan Úkimetine 2011 jylǵa deıin jylý, gaz, sý jáne elektrmen jabdyqtaý ınfra­qu­ry­lymdarynyń rentabeldiligin arttyrýǵa qatysty turǵyn úı-kommýnaldyq sharýashylyǵyn keń aýqymdy jańǵyrtýdyń jos­paryn ázirleý máselesi tap­sy­rylǵan-dy. О́zindik paıdalaný shyǵyndaryn tómendetý jáne resýrs saqtaý tehnologııalaryn engizýdi qamtamasyz etý mindeti belgilendi. Bul basymdyqty júzege asyrý maqsatynda ótken jyldyń qarasha aıynda Úkimet qaýlysymen “Turǵyn úı-kommýnaldyq sharýa­shy­lyǵyn jańǵyrtý men da­my­týdyń qazaq­standyq ortalyǵy” aksıo­ner­lik qoǵamy qurylyp, oǵan ınno­vasııalyq tehnologııalardy engizý, taldamalar jáne ǵylymı zertteýler júrgizý máseleleri qosa júkteldi. Elbasynyń joǵaryda atalǵan Jol­daýynda turǵyn úı-kom­mý­nal­dyq sharýashylyǵy salasyndaǵy ın­fraqurylymdardy jańǵyrtý resýrs únemdeýshi tehnologııalardy engizýmen qatar júrýi qajettiligi naqty kórsetilgen. Osynaý ja­ýap­ty mindetti oryndaý maq­sa­tynda ortalyqta turǵyn úı-kommýnaldyq sharýashylyǵy salasyna qatysty 20 normatıvtik-tehnıkalyq qu­jattar jáne turǵyn úı-kom­mý­nal­dyq sharýashylyǵy salasynda 2011-2015 jyldarǵa arnalǵan ǵylymı-tehnıkalyq, ınno­vasııa­lyq, resýrs únemdeýshi tehno­logııa­lardy engizý baǵdar­lamasy ázirlený ústinde. Sondaı-aq, ınnovasııalyq jáne ınjınırıngtik kompanııa­lardy qurý baǵytynda jumystar júrgizilýde. Sonymen qatar, osy segmenttiń jańa deńgeıge kóte­rilýine jaǵdaı jasaıtyn “Paıdaly áser koeffısıenti joǵary jáne zııandy qaldyqtardy az shyǵaratyn qazandyqtardy qoldaný bazasynda, turǵyn úı qoryna sý men jylýdy jetkizý, tutyný, jáne óndirý teh­no­logııalaryn damytý” baǵ­dar­lamasy ázirlený ústinde. Jerasty qubyrlary men kommýnıka­sııa­la­ryn qorǵaıtyn jáne olardyń senimdiligi men qyzmet kórsetý mer­ziminiń uzarýyn qamtamasyz etetin zamanaýı ekonomıkalyq tá­silderdi jáne passıvti jáne ke­shen­di aktıvti ádisterdi jasaý júrgizilýde. Búginde, “Nur Otan” HDP men “Jas Otan” jastar qanatymen birlese otyryp, maýsym-shilde aılarynda “Turǵyn úı-kom­mý­nal­dyq sharýashylyǵy salasyndaǵy energııa jáne resýrs saqtaýshy jobalardyń respýblıkalyq kon­kýrsyn” ótkizýdi uıym­das­tyryp otyr. Atalmysh báıge jańǵyrtýdy, ınnovasııalyq tehnologııalardy engizýdi, kásipkerlik jáne qo­ǵamdyq bastamalardy ynta­lan­dyrýdy, sondaı-aq salalyq ǵy­lymı-praktıkalyq zertteýlerdi eskere otyryp, turǵyn úı-kom­mýnaldyq sharýashylyǵy salas­y­nyń ınvestısııalyq tartymdy­lyǵyn arttyrýǵa baǵyttalǵan. Bul joba turǵyn úı-kommýnaldyq sharýashylyǵy salasynda memle­kettiń dástúrli jaýapker­shiligi bolyp esepteletin qoǵamdyq mańyzy zor, biraq ekonomıkalyq turǵydan tıimsiz jáne rentabeldi emes segmentterin jeke sektordyń resýrstyq jáne ıntellektýaldyq áleýetin aýqymdy túrde tartý arqyly sheshýge arnalǵan. Ábdirahman QYDYRBEK.