Akademııanyń habarlaýynsha, Ǵylym jáne joǵary bilim mınıstriniń 2022 jylǵy 30 jeltoqsandaǵy №223 buıryǵymen bekitilgen Ulttyq ǵylym akademııasynyń akademıkterin saılaý Qaǵıdalaryna sáıkes Akademııanyń jalpy jınalysynyń sheshimi shyǵaryldy.
Atalǵan sheshimge saı: «О́mir jáne densaýlyq týraly» ǵylymdar bólimshesi («Medısına jáne densaýlyq saqtaý» baǵyty) boıynsha: Aqsholaqov Serik Qýandyquly men Lokshın Vıacheslav Notanovıch akademık atandy. Osy oraıda oqyrmandarǵa túsinikti bolý úshin sý jańa akademıkterdi qysqasha tanystyra keteıik. Serik Aqsholaqov – belgili neırohırýrg, professor, «Ulttyq neırohırýrgııa ortalyǵy» aksıonerlik qoǵamynyń basqarma tóraǵasy, Ǵylym men tehnıka salasyndaǵy memlekettik syılyqtyń ıegeri, bárinen buryn talaı janǵa ekinshi ómir syılaǵan dáriger. Vıacheslav Lokshın – akýsher-gınekolog, reprodýktolog, professor, elimizdiń reprodýktıvti medısına salasyndaǵy normatıvtik jáne zańnamalyq aktilerin ázirleýge eleýli úles qosqanymen tanymal.
Al «Jer, ǵarysh jáne kommýnıkasııalar týraly» ǵylymdar bólimshesi («Jaratylystaný ǵylymdary», «Injınırıng jáne tehnologııalar» baǵyttary) boıynsha: Zdoroves Maksım Vladımırovıch; Ramazanov Tilekqabyl Sábıtuly; Suraǵan Dórbethan; Turysbekov Erlan Keńesbekuly Ulttyq ǵylym akademııasynyń akademıkteri bolyp saılandy. Maksım Zdoroves – Iаdrolyq fızıka ınstıtýty Astana fılıalynyń dırektory, fızıka-matematıka ǵylymdarynyń kandıdaty, professor. Tilekqabyl Sábıtuly – 80-nen asa ǵylymı jarııalanymnyń avtory, fızıka-matematıka ǵylymynyń doktory, professor, Qazaqstandaǵy ıdeal emes plazma fızıkasy boıynsha ǵylymı mekteptiń negizin qalaýshy. Suraǵan Dórbethan – memlekettik syılyq alǵan eń jas ǵalym-matematık, PhD doktor. Erlan Keńesbekuly – bıolog, professor, «Úzdik ǵylymı qyzmetker – 2022» ıegeri.
