Foto: A.Baıjumanov
Sharaǵa qatysýshylar HR-menedjerlerdi daıarlaý jáne memlekettik qyzmet salasynyń tartymdylyǵyn arttyrý máselelerin talqylady.
«Ártúrli mekemelerde birdeı laýazymdy atqaratyn memlekettik qyzmetshilerge eńbekaqy tóleýde úlken alshaqtyq, sondaı-aq eńbekaqy tóleýde básekelestik emes ahýal baıqalady. Basshy laýazymdardaǵy memlekettik qyzmetshiler kommersııalyq uıymdar basshylarynyń jalaqysynan tómen aqsha alýy múmkin, keıinnen ol belgili bir zııandy saldarǵa ákelýi yqtımal. Memlekettik qyzmetshilerdi yntalandyrýdy tıimdi jetildirý máselesi de mańyzdy bolyp tabylady. Bul máselege halyqaralyq tájirıbeni, atap aıtqanda, Batys elderin, sondaı-aq Japonııa men Malaızııany zerdeleý arqyly jan-jaqty qaraý kerek», dedi Nurtóre Júsip.
Senator sonymen qatar memlekettik qyzmetke kandıdattardy irikteýdi jetildirýde jasandy ıntellekt quraldaryn paıdalanýdyń mańyzdylyǵyn atap ótti. Depýtattyń pikirinshe, mundaı ózgerister kadrlardy qalyptastyrý problemasyn sheshýge múmkindik beredi, bul óz kezeginde «Adal adam – Adal eńbek – Adal tabys» tujyrymdamasyn iske asyrýdyń bastapqy núktesiniń birine aınalady.
