Foto: senate.parlam.kz
Depýtattyń aıtýynsha, jyl saıyn shıpajaı – demalý jáne emdelý boıynsha 20 000-ǵa deıin kelýshilerdi qabyldaıdy, turý quny táýligine 14 000-nan 25 000 teńgege deıin quraıdy.
«Qazirgi kezde shıpajaımen qatar sol aýmaqta 50-den astam jekemenshik shıpajaılar bar. Olardyn qyzmet kórsetý baǵasy 40 000-120 000 teńge arasynda, ıaǵnı qarapaıym halyq úshin qoljetimsiz. «Jekeshelendirýdiń 2021-2025 jyldarǵa arnalǵan keshendi josparyna» sáıkes, shıpajaı básekelestik ortaǵa berýge usynylǵan uıymdardyń tizbesine engizilýi – aýyl turǵyndaryn qatty alańdatyp otyr. Sebebi, olar osy shıpajaıda qyzmet atqaryp keledi. Ol jekeshelendirilgen jaǵdaıda satyp alýshy paıdany ulǵaıtý maqsatynda ońtaılandyrý jumystaryn júrgizýi múmkin. Bul óz kezeginde qarapaıym qyzmetkerlerdiń qysqarýyna alyp keledi», dedi depýtat.
Senator Murat Qadyrbek osyǵan baılanysty elimizdiń Premer-mınıstri Oljas Bektenovten shıpajaıdy jekeshelendirýdiń keshendi josparynan shyǵarýǵa járdemdesýdi surady.
