Foto: aikyn.kz
Jyl basynan beri 8 476 azamat zııandy eńbek jaǵdaıynda uzaq ýaqyt jumys istegeni úshin áleýmettik tólem aldy. Bul tólemdi alýǵa barlyǵy 9 myńnan astam adam ótinish bildirgen.
Bıýdjet jáne zeınetaqy qorynan áleýmettik tólem taǵaıyndaýǵa 2 840 adam, al bıýdjet, zeınetaqy qory, jumys berýshiniń ózi jáne saqtandyrý kompanııasyna tólem taǵaıyndaýǵa 6 415 adam júgingen.
Mindetti sharttardy oryndamaǵany úshin 342 adamǵa arnaýly áleýmettik tólem berýge bas tartylǵan.
О́ńirlerdiń ishinde Qaraǵandy, Qostanaı, Shyǵys Qazaqstan oblystarynda áleýmettik tólem alýǵa ótinish bildirýshiler kóp boldy.
Eske sala keteıik, 2024 jyldyń 1 qańtarynan bastap Qazaqstanda uzaq ýaqyt zııandy eńbek jaǵdaılarynda jumys istegen adamdarǵa arnaýly áleýmettik tólem engizilgen bolatyn. Ony alý úshin 55 jasqa tolyp, Biryńǵaı jınaqtaýshy zeınetaqy qoryna jeti jyl boıy kásibı zeınetaqy jarnalaryn aýdarý kerek. Ortasha tólem jalpy alǵanda 208 myń teńgeden asady. Tólemder zeınetkerlik jasqa deıin tólenedi.
