Foto: dknews.kz
Elordalyq jastarǵa arnalǵan basqosýǵa Astana qalasy Jastar saıasaty máseleleri basqarmasy jáne «Astana jastary» jastar resýrstyq ortalyǵy uıytqy boldy.
«Bul kezdesý Jýrnalıster kúnine oraı ótip jatyr. Halyqtyń tirshiliginen, áleýmettik ál-aýqatynan, rýhanııaty men qoǵam tynysynan habar taratyp, qalam sermep júrgenime, mine 25 jyl toldy. Áli de bilim-biligimdi shyńdap kelemin. Taıaýda ǵana Germanııada álemniń túkpir-túkpirinen kelgen jýrnalıstermen tájirıbe almastyq. Kezdesýde qazirgi jýrnalıstıkanyń áleýeti men medıadaǵy trendterdi, aqparat taratýdaǵy zamanaýı qaǵıdattardy talqyladyq. Ásirese qatysýshylarmen jasandy ıntellektiniń múmkindikteri týraly oı bólistim», deıdi Mahabbat Esen.
2020 jyldan beri uıymdastyrylyp kele jatqan «Jastar talks» jobasynyń basty maqsaty – túrli salanyń úzdik ókilderimen pikir alysyp, tájirıbe almasý. Spıker retinde jastardy yntalandyrý úshin elimizge tanymal sportshylar, blogerler, medıa tulǵalar jáne taǵy basqalary shaqyrylady.
«Is-shara tanymdyq emes, motıvasııalyq baǵytta boldy. Spıker óz mamandyǵynyń qyr-syryn túsindirdi. Jastardyń bolashaq jumysy týraly túsinigi bolýy jáne olardyń qaı jerde damyǵysy keletinin aldyn ala anyqtaý mańyzdy ekeni aıtyldy. Buǵan deıin men Májilis depýtatymen saıası sala týraly áńgimelegen kezdesýlerge qatystym», deıdi «Astana jastary» eriktisi Fedor Ermolenko.
