«Qazgıdromet» RMK Qazaqstan aımaqtarynda 2024 jylǵy 30 maýsymda bolatyn qaýipti meteorologııalyq qubylystarǵa boljaý konsýltasııasyn jarııalady.
Qazaqstan terrıtorııasynyń basym bóliginde turaqsyz aýa-raıy saqtalady, naızaǵaımen jańbyr, elimizdiń soltústik-batysynda qatty jańbyr jaýady. Tek Qazaqstannyń ońtústigi men batysynda jaýyn-shashynsyz aýa raıy kútiledi. Respýblıka boıynsha naızaǵaı, burshaq, dayl, jel kúsheıedi, ońtústiginde shańdy daýyl boljanady.
Kúndiz Abaı, Jetisý, Almaty, Jambyl, Shyǵys Qazaqstan oblystarynda qatty ystyq saqtalady.
Qaraǵandy, Pavlodar, Abaı, Jetisý oblystarynda, Ulytaý oblysynyń soltústiginde, shyǵysynda, Aqmola oblysynyń batysynda, ońtústiginde, Shyǵys Qazaqstan oblysynyń ońtústiginde, Mańǵystaý oblysynyń batysynda joǵary órt qaýpi saqtalady, Aqmola oblysynyń batysynda, ońtústiginde, shyǵysynda joǵary órt qaýpi saqtalady.
Túrkistan, Jambyl, Qyzylorda, Almaty, Ulytaý oblystarynda, Mańǵystaý oblysynyń soltústiginde, Qostanaı oblysynyń ońtústiginde, Qaraǵandy oblysynyń ońtústiginde, batysynda, Abaı oblysynyń ońtústiginde, Jetisý oblysynyń soltústiginde, shyǵysynda, Atyraý oblysynyń batysynda, shyǵysynda tótenshe órt qaýpi saqtalady.
