foto: azattyq-ruhy.kz
Bas prokýror Berik Asylov is-sharany asha otyryp, prokýrorlar ózderiniń qadaǵalaý fýnksııalaryn oryndaý kezinde Memleket basshysynyń barlyq memlekettik apparat úshin basty bazalyq baǵdar retinde kórsetken «Zań jáne tártip» tujyrymdamasyn qatań ustanýǵa mindetti ekenin atap ótti. Prokýratýra organdarynyń zańdylyq pen quqyqtyq tártipti qamtamasyz etýdegi kúsh-jigeri halyqty tolǵandyratyn máselelerdi sheshýge baǵyttalýǵa tıis.
Atalǵan kezeńde prokýratýra organdary balalardy qorǵaý, bilim berý, densaýlyq saqtaý jáne el basshylyǵynyń baqylaýyndaǵy basqa da áleýmettik mańyzdy baǵyttar boıynsha sharalar qabyldaı otyryp, tekserýler men taldaýlardy aıaqtady. Sý tasqyny saldaryn joıý kezinde zańdylyqty qamtamasyz etýge erekshe nazar aýdaryldy, odan zardap shekken turǵyndarǵa baspana salý jumystarynyń barysy baqylaýǵa alyndy.
Eńbek qatynastary salasynda prokýratýra qabyldaǵan sharalarmen 87 myń adamnyń quqyǵy qalpyna keltirildi, 3 myń qyzmetkerdiń aldynda 202 mln teńgege jalaqy boıynsha bereshek óndirip alyndy.
Memleket basshysynyń ınvestısııalar boıynsha berilgen tapsyrmasyn iske asyrý sheńberinde prokýrorlar 32 trln teńgege 770 ınvestısııalyq jobany súıemeldep otyr. 350 ınvestorǵa kómek kórsetildi. Olardyń ekonomıkaǵa qosqan úlesi 6,4 trln teńgeni qurady. «Prokýrorlyq súzgi» arqyly memlekettik organdardyń 2300 materıaly ótti (tekserýlerdi taǵaıyndaý týraly, ákimshilik is júrgizýler qozǵaý týraly). Qaraý nátıjeleri boıynsha kelisýden bas tartylǵany: 31 - shekteýler boıynsha, 71 - tekserý taǵaıyndaý boıynsha, 170 - ákimshilik is júrgizýdi qozǵaý boıynsha.
Búgingi tańda 44 myń kásipkerdiń quqyǵy qalpyna keltirildi. Olarǵa qatysty memlekettik organdardyń alty myńnan astam tyıym salý jáne shekteý sharalary joıyldy (olardyń basym kópshiligi memlekettik kirister jelisi boıynsha – 6050).
Jalpy, áleýmettik-ekonomıkalyq salada prokýrorlardyń aktileri boıynsha 2,5 mln adamnyń quqyǵy qalpyna keltirildi. Bıýdjetke 41 mlrd teńge kóleminde keltirilgen zalal óteldi. 167 qylmystyq is qozǵaldy, 75 adam sottaldy.
Aktıvterdi qaıtarý boıynsha memleketke 312 mlrd teńge, onyń ishinde shetelden – 63 mlrd teńge qaıtaryldy. 50 mlrd teńgege 513 myń gektar olıgopolııa jeri tárkilendi.
Krımınogendik jaǵdaı prokýratýranyń turaqty baqylaýyna alyndy.
Qylmys jasaý 8%-ǵa tómendedi (61 422-den 56 369-ǵa deıin).
Tergeý barysynda zańdylyqty qamtamasyz etý sheńberinde prokýrorlar 800-den astam azamatty qylmystyq ortaǵa negizsiz tartýdyń jolyn kesti.
Konstıtýsııalyq quqyqtardyń buzylýy úsh eseden astam tómendedi. Prokýrorlardyń narazylyǵy men ótinishteri boıynsha 34 sottalýshynyń jaǵdaıy jaqsardy, 2 adam aqtaldy, 708 zańsyz ustalǵan adam bosatyldy.
Sondaı-aq bıyl birqatar rezonansty ister boıynsha tergep-tekserý aıaqtaldy jáne olardy sotqa jiberildi.
Konstıtýsııalyq Sotta 10 is júrgizý boıynsha quqyqtyq qorytyndylar berildi (sot qorǵaý quqyǵyn iske asyrý, zań aldyndaǵy barlyǵynyń teńdigi, zań kómeginiń qoljetimdiligi týraly). Konstıtýsııalyq Sot Bas prokýrordyń 2 joldanymy boıynsha oń sheshimder shyǵardy.
Halyqaralyq yntymaqtastyqty nyǵaıtý boıynsha jumystar jalǵasyn taýyp jatyr. Bıyl Kıprmen sottalǵandardy berý týraly jáne Qatarmen quqyqtyq kómek kórsetý, ustap berý týraly halyqaralyq sharttarǵa qol qoıyldy. Olar Parlamentte ratıfıkasııalanyp jatyr. Basqa elderden shetelde jasyrynǵan 13 kúdikti ekstradısııalandy.
Talqylaý qorytyndysy boıynsha Bas prokýror negizgi mindetterdi belgilep, aldaǵy kezeńge naqty tapsyrmalar berdi. Prokýrorlar Memleket basshysynyń azamattar men bıznestiń quqyqtaryn qorǵaý, ınvestısııalyq jobalardy súıemeldeý, aktıvterdi qaıtarý, ásirese otbasylyq-turmystyq saladaǵy quqyq buzýshylyqtardyń profılaktıkasy, balalardyń qaýipsizdigin qamtamasyz etý, kóleńkeli ekonomıkaǵa, esirtkige, alaıaqtyqqa qarsy kúres, uıymdasqan qylmysqa, azaptaýlarǵa qarsy is-qımyl jáne qadaǵalaý qyzmetiniń basqa da ózekti baǵyttary boıynsha tapsyrmalaryn oryndaýdy jalǵastyrady.
