Foto:Ashyq derekkóz
Anyqtalǵandaı, sottalýshy 17 sáýir kúni skeıtbordpen jaıaý júrginshi jolaǵynda qaýipsizdik sharalaryn saqtamaı kele jatyp, kishkentaı qyzdy qaǵyp ketken. Dárigerlerdiń aıtýynsha, jábirlenýshige bas súıek bóliginiń synýy jáne mıdyń shaıqalýy dıagnozy qoıylǵan.
Sotta Qylmystyq kodekstiń 114-babynyń 3-bóligi «Abaısyzda densaýlyqqa aýyr zııan keltirý» boıynsha qylmystyq is qaraldy.
Memlekettik aıyptaýshy sottalýshyny kináli dep tanyp, 6 aıǵa bas bostandyǵyn shekteý jazasyn taǵaıyndaýdy suraǵan. Al jábirlenýshi taraptyń ókili qylmyskerdi zań aıasynda jaýapqa tartýdy talap etken.
Sottalýshy kinásin moıyndady. Istiń barlyq mán-jaıyn eskere otyryp, sot ony alty aıǵa bas bostandyǵynan aıyrý týraly úkim shyǵardy. Úkimdi jarııalaý kezinde sýdıa qatań jaza qoldanýdy talap etken jábirlenýshi taraptyń pikirin eskergeni atap ótilgen.
