foto: ratel.kz
Ulttyq qordan respýblıkalyq bıýdjetke transfertterdi qamtamasyz etýge maýsym aıynda 420 mln dollarǵa valıýta satyldy. Ulttyq qordan satý úlesi jalpy saýda-sattyq kóleminiń 11%-yn jáne kúnine 21 mln dollardan aspaıtyn mólsherdi qurady. Ulttyq bank Ulttyq qordyń qarajatymen operasııalar júrgizý kezinde naryqtyń beıtarap qaǵıdatyn saqtaıdy. Bul – shetel valıýtasyn udaıy jáne birkelki satýdy bildiredi.
Ulttyq bank BJZQ zeınetaqy aktıvteriniń valıýtalyq úlesin 30% deńgeıinde ustap turý úshin maýsymda bırjalyq saýda-sattyqta shetel valıýtasyn satyp alýdy jalǵastyrdy. Onyń jalpy somasy 293 mln dollardy nemese naryqtyń jalpy kóleminiń shamamen 8%-yn qurady. Sondaı-aq bas bank maýsymda valıýtalyq ıntervensııalar júrgizgen joq.
«Respýblıkalyq bıýdjetke transfert bólýge Úkimettiń aldyn ala boljamdy ótinimderi boıynsha 2024 jylǵy shildede Ulttyq bank Ulttyq qordan
450 mln dollardan 550 mln dollarǵa deıingi mólsherde valıýta satylýyn kútedi», delinedi UB málimdemesinde.
