Foto: Sý resýrstary jáne ırrıgasııa mınıstrligi
Elimizge ırandyq kompanııalar jerasty sýlaryn paıdalanatyn zamanaýı sýarý júıelerin, sondaı-aq sýdy ósimdikterdiń tamyryna tikeleı jetkizetin tamshylatyp sýarýdyń avtomatty qondyrǵylaryn usynýǵa daıyn.
«Búginde biz sý qoımalary men basqa da sý sharýashylyǵy qurylystaryn salý jáne rekonstrýksııalaý boıynsha aýqymdy jumysty bastadyq. Iran kompanııalarynyń osy baǵytta úlken tájirıbesi bar, tıimdi tehnologııalardy damytyp jatyr. Olardyń keıbiri elimizde jumys isteýde. Atap aıtqanda, Jambyl jáne Túrkistan oblystarynda ırrıgasııalyq jelilerdi qaıta jańǵyrtý jumysy belsendi júrip jatyr. Sondyqtan ırandyq kásipkerlerdi sý ınfraqurylymyn salý men jóndeýge arnalǵan konkýrstarǵa qatysý úshin elimizge shaqyrǵym keledi», dedi Sý resýrstary jáne ırrıgasııa mınıstri Nurjan Nurjigitov.
Aıta keterligi, osy tehnologııalardyń nátıjesinde Iran kúrish ósirýge jumsalatyn sý shyǵynyn edáýir azaıtyp, ónimdilikti arttyrǵan.
