Ulylar úndestigi

Búginde Qazaqstan men О́zbek­stan halyqtarynyń dos­ty­ǵy – shynaıy tatý kórshilik pen óz­ara syılastyqtyń jarqyn úlgisi. Ejelden senimdi odaqtas ári ma­ńyzdy áriptes bolyp tabyla­tyn eki memleket arasyndaǵy mádenı baılanysty damytý maqsatynda is-sharalar uıymdastyrý, urpaq arasyndaǵy sabaqtastyqty nyǵaıtý baǵytynda birlesken jobalardy júzege asyrý – bilim mekemeleriniń basty mindetteriniń biri.

Ejelden kórshi, túbi bir túrki áleminiń qos qazyǵyndaı bolǵan qazaq-ózbek halqynyń ǵasyrlar boıǵy baılanystarynyń tamyry tym tereńde ekeni belgili. Bizdiń salt-dástúrlerimiz, dilimiz ben qundylyqtarymyz barynsha jaqyn ári uqsas. Tatý kórshilik pen ózara qurmet qaǵıdattary – Shyǵys halyqtarynyń ejelden erekshe belgisi. Sol turǵyda áýelden qalyptasqan Qazaq­stan-О́zbekstan dostyq qarym-qa­tynastary Ortalyq Azııa el­deri úshin ǵana emes, búkil álem­dik qoǵamdastyq úshin de jaq­sy úlgi. Ár ulttyń kórshiles ult­tarmen tatý-tátti ómir súrýi – ári ulttyq, ári jalpyadamzattyq qundylyq, ortaq jaýapkershilik. Tarıhymyz «aýyly aralas, qoıy qoralas» jatqan halyqpen jibek jipteı birge óriledi. Uly Tóle bıimiz Tashkent tórinde jatyr. Tipti pedagogıkalyq bilim men ǵy­lym­nyń qara shańyraǵy – Abaı ýnı­versıtetiniń qurylý tarıhy da Tashkentpen baılanysty ekendigi zııaly qaýym ókilderine belgili.

Forým aıasynda oqytýshy­lar men stýdentter arasyndaǵy Naýaı shyǵarmashylyǵyna arnal­ǵan kórkem plener, «Almaty qala­syn­­daǵy stýdent jastardyń shy­­ǵar­­mashylyǵyndaǵy Shyǵys mo­tıvteri» kórmesi, Naýaı orta­lyǵynyń saltanatty ashylýy, Naýaı oqýlary: «Naýaı – álem tilderinde» mánerlep oqý baı­qaýy, «Álisher Naýaı murasy: ǵylym, bilim jáne tárbıe sınergııasy» taqyrybynda halyq­ara­lyq ǵylymı-ádistemelik semınar
ótti.

Atalǵan is-sharanyń plenar­lyq otyrysyna Abaı atyndaǵy QazUPÝ-dyń rektory Bolat ­Tilep, О́zbekstan Respýblıkasy­nyń Almaty qalasyndaǵy Bas konsýly Abdýrahım Kaıýmov, Qazaq­stan Respýblıkasynyń О́zbek­stan Respýblıkasyndaǵy elshi­liginiń ókili Erǵalı Qystaýbaev, О́zbekstandaǵy qazaq ulttyq máde­nı ortalyǵynyń jetekshisi Serik­baı Úsenov, «Almaty qalasy­nyń ózbek ulttyq mádenı ortalyǵy» qoǵamdyq birlestigi tóraǵasynyń orynbasary Abdýhalıl Oralbaev, Naýaı memlekettik pedagogıka­lyq ınstıtýtynyń ǵylymı ju­mys jáne ınnovasııalar jónin­degi prorektory Dılnoza Narzıký­lova, Á.Naýaı atyndaǵy Tash­kent memlekettik ózbek tili men áde­bıeti ýnıversıtetiniń strategııa­lyq damý jónindegi prorek­tory Nodırbek Djýrakýzıev, Shyr­shyq memlekettik pedagogıka­lyq ýnıversıtetiniń dosenti О́ser­baı Baıqabylov, basqa da О́z­bekstan jáne Almaty qalasy joǵary ­oqý oryndarynyń ǵalymdary men ­qo­ǵam qaıratkerleri qatysyp, sóz sóıledi. Eki eldiń uly tulǵalary Naýaı men Abaı muralary jan-jaqty barynsha zerdelenip, uly oıshyldardyń shyǵarmashyly­ǵy týraly taǵylymdy oılar or­taǵa salynyp, ǵylymı negiz­­de talqylandy. Eki oıshyl shy­ǵar­­ma­shylyǵyndaǵy jalpy­adam­zat­tyq qundylyqtar saralandy. Bir tamyrdan nár alǵan qazaq jáne óz­bek ádebı baılanystaryn zertteý – búgingi kún talaby dep oı­laımyz. Sondyqtan kórkem týyndylary álemdik ádebıetttiń jaýhary­na aınalǵan Abaı men Naýaı búgin­de baýyr­las qazaq-ózbek jurty­nyń ádebı, mádenı baılanystary­nyń altyn kópirine aınalyp otyr. Uly aqyndardyń ádebı murasy baýyr­las túrki halyqtarynyń jar­qyn bolashaǵy úshin qyzmet ete ber­mek. Jalpyadamzattyq qundy­lyqtardy dáriptep, ádildik pen dostyqty ýaǵyzdaıtyn qos aqyn­nyń kórkem shyǵarmalary О́zbek­stan men Qazaqstan arasyndaǵy ózara dostyq pen yntymaqtastyq qarym-qatynastardy nyǵaıtýǵa septigin tıgizedi. Túrki mádenıeti­niń qadir-qasıetin arttyryp, ortaq qundylyqtardy dáripteı alý – túrki jurtynyń birligin nyǵaıtýǵa qosqan úlesimiz bolmaq.

Alýa TAŃJARYQOVA,
fılologııa ǵylymdarynyń
doktory, professor