PETROPAVL. 11 maýsym. Jaz bastalǵaly oblys ortalyǵynyń turǵyndary ystyq sýdan qatty tapshylyq kórýde. Basty shaǵynaýdandarda aptalap bolmaıtyn kezder kezdesedi. Al, Altynsarın, A. Sháshimbaev kóshelerinde turatyn turǵyndar bir aıdan beri ystyq sýǵa qol jetkize almaı keledi. Bul týraly egemen tilshisi habarlady.
Biz ystyq sýdyń ne sebepti úzilispen beriletinin bilý maqsatymen qalalyq ákimdikpen habarlasqanymyzda, ondaǵylar «Petropavl jylý júıeleri» JShS-ne siltedi. Seriktestiktiń bas dırektory Igor Rybastyń aıtýynsha, Altynsarın jáne Shájimbaev kósheleri qıylysyndaǵy sý qubyrlaryn aýystyrý 25 mamyrda bastalypty. Jańǵyrtý jumystaryna 800 mıllıon teńge qarastyrylypty.
«№ 1 jylý magıstralyn kúrdeli jóndeýden ótkizbese bolmaıdy. О́ıtkeni, onyń boıynan 40 jýyq úlkendi-kishili aqaý tabylyp otyr. Sondyqtan jurtshylyqtyń túsinistikpen qaraǵandary jón», deıdi I. Rybas.
Dıametri 1000 mm. jańa qubyrlardy ornalastyrý kúzge deıin jalǵasady. Ol úshin 10,7 shaqyrym jylý júıesin qalpyna keltirý mindeti tur. Úshten biri aýystyrylypty. Sol sebepti 160 kóp qabatty turǵyn úıge ystyq sý berý toqtatylǵan.
Jóndeý jumystaryna 12 brıgada, 60-tan astam tehnıka tartylǵan. Jylý júıelerin damytýǵa bıyl 2,5 mıllıard teńge baǵyttalmaq.
О́mir Esqalı.
Derek, sýret: egemen.kz
