PETROPAVL. 11 maýsym.Oblys ákimi Erik Sultanovtyń tóraǵalyǵymen ótken quqyq buzýshylyqtyń aldyn alý jónindegi vedomstvoaralyq komıssııanyń otyrysynda nashaqorlyq, maskúnemdik sııaqty qoǵamdyq keseldermen kúres máseleleri sóz boldy. Bul týraly egemen. kz tilshisi habarlady.
О́ńirde 4 myńnan astam maskúnem tirkeýge alynsa, olardyń tórtten biri esirtkige táýeldi. Jyl basynan beri 2 myńǵa jýyq «ashy sýǵa» áýes adam beıimdeý jáne ýytsyzdandyrý ortalyǵyna jetkizilip, tıisti medısınalyq kómek kórsetilgen. 75 adam eriksiz emdelse, 159 adam arnaıy emdeý kýrsynan ótken.
Bıylǵy jaǵdaı da kóńil kónshiterlik emes. 129 adam dıspanserlik esepke alynǵan, olardyń beseýi – maskúnem jáne nashaqor. Ishki ister departamenti men densaýlyq saqtaý basqarmasynda tirkeýde turǵan psıhotroptyq zattar men alkogoldy ishimdikke beıim jandardyń sanynda eleýli aıyrmashylyq baryn atap kórsetken oblys prokýrory Stepan Zaıtler esep-qısapty tártipke keltirýdi talap etti. Bıyldyń ózinde ǵana nashaqorlyq jáne esirtki bıznesi boıynsha 189 qylmys ashylyp, zańsyz aınalymnan 9 kılogramm esirtki zattarynyń alynýy biraz jaıtty ańǵartsa kerek.
Ákimshilik polısııasy basqarmasy basshysynyń orynbasary Saılaýbek Mýsın Blagoveshenka aýylynda ornalasqan narkologııalyq ortalyqta oryndardyń tapshylyǵynan májbúrlep emdeý týraly sot sheshimderi ýaqtyly oryndala bermeıtinin jetkize kelip, kereýet sanyn kóbeıtýdi ótindi.
О́mir Esqalı.
Derek, sýret: egemen.kz
