Foto:mangystautv.kz
Mangystautv habarlaýynsha sheteldikter balany 10 aılyq kezinde asyrap alǵan. Bala ol kezde balalar úıinde tárbıelengen. Keıbir aqparattarǵa súıensek, týǵan anasy bosanǵannan keıingi kúızeliske baılanysty ulyna tolyq kóńil bóle almaǵandyqtan tastap ketken.
«Biz bala kezinen bastap Jandosqa ony asyrap alǵanymyzdy aıttyq. Torontoda ol árqashan óziniń tarıhı otandastarymen baılanysta boldy. Birde dostary oǵan týǵan anasyn tabýǵa keńes berdi, biz de bul ıdeıany qoldadyq», deıdi asyrap alǵan anasy Shanas Muhammed.
«Sheteldegi qazaq balalary» jobasy Raıan Jandosqa týystaryn tabýǵa kómektesken. Endi, mine, ol 17 jyldan keıin óz eline oralyp, týǵan anasymen kezdesip otyr.
«Meniń anam meni tastap ketse de, oǵan degen eshqandaı renishim joq. Kerisinshe, men oǵan jaqsylyq tileımin. Men ony kinálamaımyn, taǵdyr solaı bolǵany da. Eger meni Kanadaǵa aparmasa, bári qalaı bolatynyn kim biledi. Múmkin men ózimdi dáleldeı almas edim. Men eshteńege ókinbeımin. Meni tek anam ǵana emes, basqa qazaqstandyqtar da jyly qarsy aldy. Men muny búkil halyqtyń qonaqjaılyǵy dep sanaımyn», dedi Raıan Jandos.
Eske sala keteıik, buǵan deıin belgııalyq otbasy asyrap alǵan Jánibektiń anasyn tabýǵa Qazaqstan halqynan kómek suraǵanyn habarlaǵan bolatynbyz.
